web counter
LEXO PA REKLAMA!

SHKARKO APP

App Store
Google Play

SHBA, sanksione të reja ndaj zyrtarëve të lartë rusë e industrisë së mbrojtjes

15 Shtator 2022, 21:06, Kosova & Bota CNA
SHBA, sanksione të reja ndaj zyrtarëve të lartë rusë e
Foto ilustruese

Departamenti amerikan i shtetit njoftoi sot sanksione të reja kundër Moskës si pjesë e përpjekjeve sikurse thuhej në deklaratë, për ta vënë qeverinë ruse përballë përgjegjësi për luftën e saj kundër Ukrainës.

“Sot, po ndërmarrim veprime kundër entiteteve kryesore të mbrojtjes ruse, firmave kryesore të teknologjisë së avancuar, të cilat mbështesin bazën industriale të mbrojtjes ruse dhe infrastrukturën financiare. Po marrim gjithashtu veprime kundër një agjencie ruse të zbulimit ushtarak si dhe kundër individëve të lidhur me çështje të abuzimit të të drejtave të njeriut, si në Ukrainë ashtu edhe brenda vetë Rusisë”, vazhdonte më tej deklarata.

Departamenti i Shtetit njoftoi vendosjen e sanksioneve ndaj figurave kryesore të autoritetit të instaluar nga Rusia në territoret ukrainase që kontrollohen aktualisht nga ushtria ruse, si dhe ndaj rreth 31 entitete të mbrojtjes, teknologjisë dhe elektronikës.

Saksionet u vendosën ndaj 22 zyrtarëve që punojnë për llogari të Rusisë në Ukrainë, mes tyre pesë që kanë mbikëqyrur sekuestrimin ose vjedhjen e qindra mijëra tonëve drithë ukrainas, duke përkeqësuar pasigurinë ushqimore në mbarë globin.

Në deklaratën e departamentit përmendet Maria Lvova-Belova ndaj së cilës rëndojnë sanksione amerikane, për lidhjet e saj me abuzimin e të drejtave të njeriut, si dhe rolin udhëheqës në përpjekjet e Rusisë për të dëbuar dhjetëra mijëra fëmijë ukrainas.

Prej fillimit të agresionit rus në Ukrainë, Moska është goditur nga sanksione të ashpra perëndimore që kanë synuar të bllokojnë makinerinë ruse të luftës. Rusia e quan sulmin në Ukrainë një operacion të posaçëm ushtarak, që synon çmilitarizimin dhe denazifikimin e vendit fqinj./voa





Lajmet e fundit nga