web counter
LEXO PA REKLAMA!

SHKARKO APP

App Store
Google Play

Qeveria gjermane shet të gjitha aksionet e “Lufthansa”-s/ Fiton 760 milionë euro

15 Shtator 2022, 20:37, Kosova & Bota CNA
Qeveria gjermane shet të gjitha aksionet e “Lufthansa”-s/ Fiton
Foto ilustruese

Qeveria gjermane ka shitur aksionet e saj në kompaninë ajrore gjermane “Lufthansa”.

Tashmë “Lufthansa” është një kompani private, pasi qeveria shiti 10% e fundit të aksioneve tek investitorët ndërkombëtarë, duke korrur një fitim të madh.

Fondi i Stabilizimit Ekonomik të Gjermanisë shpenzoi 300 milionë euro për aksionet në “Lufthansa” në vitin 2020, si pjesë e një pakete shpëtimi prej 9 miliardë eurosh për linjën ajrore, të ardhurat e së cilës ranë ndjeshëm nga pandemia e COVID-19.

Qeveria gjermane ka shitur gradualisht 20% të aksioneve të saj dhe së fundmi ka zbuluar se ka shitur edhe aksionet e fundit për 455 milionë euro.

Fondi i Stabilizimit Ekonomik (WSF) tha të martën se ka përfituar më shumë se 1 miliard euro nga shitja e të gjithë aksioneve të saj, duke tejkaluar shumën e investimit.

Konkretisht, WSF ka zbuluar se fitimi ka kapur shifrën prej 760 milionë eurosh nga investimi.

Nga ana tjetër, me përmirësimin e situatës shëndetësore nga pandemia dhe me lehtësimin e masave anti-COVID, “Lufthansa” ka filluar të ketë më shumë fitime.

Në tre mujorshin e fundit deri në fund të qershorit, kompania ajrore gjeneroi një fitim neto prej 259 milionë eurosh, krahasuar me një humbje prej 756 milionë eurosh në të njëjtën periudhë të vitit të kaluar./ B.A. – CNA.al





Lajmet e fundit nga