E fundit!

12:21 Kronika

I dënuar me 24 vite burg për vrasje/ Kapet në Angli 60-vjeçari

Finalizohet në bashkëpunim me Policinë britanike, një tjet...

Rusia nuk ndalet, sulme masive me dronë në Ukrainë

27 Gusht 2024, 07:56, Kosova & Bota CNA

Rusia ka vënë në shënjestër Ukrainën me një valë tjetër sulmesh.

Alarmet për sulm ajror u lëshuan herët të martën, pasi vëzhguesit ukrainas zbuluan avionët rusë që lëshonin raketa hipersonike. Janë raportuar edhe sulme masive me dron.

Forcat e mbrojtjes ajrore të Ukrainës thonë se i gjithë vendi është nën kërcënimin e një sulmi me armë balistike.

Në një deklaratë Ministria ruse e Mbrojtjes njoftoi se armatime precize me rreze të gjatë dhe me bazë detare ishin përdorur për të goditur stacionet e energjisë dhe infrastrukturën përkatëse në të gjithë Ukrainën, duke përfshirë në Kiev, Lviv dhe rajonet Kharkiv dhe Odesa.

Të paktën tre persona kanë humbur jetën gjatë natës dhe dhjetëra u plagosën pasi më shumë se gjysma e rajoneve të Ukrainës u sulmuan nga dronë dhe raketa.

Presidenti i SHBA-së, Joe Biden, i quajti sulmet "të egra", duke thënë se Uashingtoni do të vazhdojë të mbështesë rrjetin energjetik të Ukrainës.

Sekretari i Jashtëm i Mbretërisë së Bashkuar, David Lammy dënoi "sulmet frikacake të raketave dhe dronëve të Rusisë ndaj infrastrukturës civile".

Dhe kreu i administratës rajonale të Zaporizhzhia, Ivan Fedorov, tha se një burrë ishte vrarë dhe një burrë dhe një grua u plagosën në qytetin e Zaporizhzhia.

Sulmet e fundit po shihen si një përpjekje e Moskës për të rivendosur kontrollin e saj mbi konfliktin pas fitimeve të fundit të territorit të Ukrainës në rajonin Kursk të Rusisë.

Rusia ka synuar infrastrukturën energjetike të Ukrainës që në fillim të pushtimit të saj në shkallë të plotë, i cili filloi në shkurt të 2022-shit.

Në muajt e fundit ajo ka rinovuar fushatën e saj të sulmeve në rrjetin elektrik, duke shkaktuar ndërprerje të shpeshta në të gjithë vendin.

Të hënën, Zelensky u bëri thirrje aleatëve perëndimorë, përfshirë Britaninë e Madhe, SHBA-në dhe Francën që të ndryshojnë rregullat e tyre dhe të lejojnë Ukrainën të përdorë armët e saj për të goditur më thellë brenda Rusisë./ Përkthyer nga "BBC".