E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

“Regjimi serb më ka dënuar e torturuar”/ Jakup Krasniqi: Kanë zbatuar gjenocid ndaj Kosovës

5 Prill 2023, 10:49, Kosova & Bota CNA

Jakup Krasniqi

Jakup Krasniqi ka folur para trupës gjykuese në Hagë, ku ka rrëfyer se prej dekadash populli i Kosovës ka qenë pre e dhunës nga serbët.

Krasniqi ka deklaruar se është dënuar dy herë nga regjimi serb ku ka pësuar tortura.

“Asnjë prokuror apo gjyqtar nuk është përgjegjës për torturat që kanë kryer ndaj meje”, tha Krasniqi.

Më tej është shprehur se nuk ka qenë i përfshirë në asnjë vrasje, torturë apo ngjarje kriminale.

“Unë si Jakup Krasniqi nuk kam qenë i përfshirë në asnjë vrasje, torturë, apo ngjarje kriminale. Serbët zbatuan gjenocid ndaj nesh”, vijoi më tej Krasniqi.

Pjesë nga fjalimi i tij

Kam qenë i rrethuar nga njerëz që i kanë mbijetuar gjenocidit serb. Kam parë babain tim që është torturuar nga serbët. Prej dekadash kemi qenë pre e dhunës serbe. Janë dënuar dy herë me burg nga regjimi serb. Më kanë torturuar. Asnjë prokuror apo gjyqtar nuk është përgjegjës për torturat që kanë kryer ndaj meje. Ndaj popullit tonë është ushtruar dhunë sistematike. Unë e urrej dhunën, vrasjen, torturat, i konsideroj si tepër të ulëta dhe çnjerëzore. Unë si Jakup Krasniqi nuk kam qenë i përfshirë në asnjë vrasje, torturë, apo ngjarje kriminale. Serbët zbatuan gjenocid ndaj nesh. Në 23 korrik në 1991 u lirova nga burgu i Novi Sadit. Populli i Kosovës ishte populli më i robëruar. Nga muret e ndërtesat e Novi Sadit, u mbush Kosova me 2 milionë shqiptarë./ CNA.al