web counter
LEXO PA REKLAMA!

SHKARKO APP

App Store
Google Play

Policia britanike heton përdhunimin virtual në grup të një adoleshenteje

5 Janar 2024, 08:39, Kosova & Bota CNA
Policia britanike heton përdhunimin virtual në grup të një
Foto ilustruese

Policia britanike po heton një rast historik që përfshin përdhunimin e supozuar të avatarit të një adoleshenteje (personazh digjital të personalizuar) nga të panjohur në një lojë realiteti virtual, raporton "Protothema".

Sipas "Euronews", është hera e parë që një hetim i tillë për sulme seksuale kryhet në "metaverse" dhe ka pasur një reagim nga njerëzit që besojnë se autoritetet duhet të merren vetëm me krime "reale" dhe jo "virtuale".

Siç sqaron publikimi, viktima, e cila në momentin e sulmit ishte e lidhur me universin virtual me një kufje, nuk ka pësuar asnjë dëmtim fizik.

Autoritetet britanike nuk dhanë detaje të mëtejshme për rrethanat në të cilat ndodhi sulmi metavers, për të mbrojtur privatësinë e vajzës së mitur.

Edhe pse adoleshentja nuk ka përjetuar abuzim fizik, burimet policore thonë se ajo mund të ketë pësuar trauma psikologjike  të krahasueshme me atë të një viktime përdhunimi në jetën reale.

“Ka efekte emocionale dhe psikologjike mbi viktimën që mund t’i ndikojë për shumë më gjatë se çdo lëndim fizik”, tha një oficer i lartë i policisë për Daily Mail.

Megjithatë, autoritetet britanike janë të shqetësuara se sipas ligjit aktual, i cili përkufizon sulmin seksual si "prekje fizike" jokonsensuale në një mënyrë seksuale, ndjekja penale e të dyshuarve (nëse ata përfundimisht identifikohen) mund të jetë e pamundur.

Sekretari i Brendshëm i Mbretërisë së Bashkuar James Cleverley  e ka bërë të qartë se ai e konsideron hetimin të rëndësishëm./ CNA





Lajmet e fundit nga