E fundit!

16:47 Aktualitet

Mosfillimi i hetimeve për punonjësit e paraburgimit/ Gjykata e Tiranës rrëzon Metën

Gjykata e Tiranës ka vendosur të rrëzojë kërkesën e paraqi...

Për herë të parë në Gjermani/ Rritet çmimi standard i energjisë elektrike mbi 700 € për MWh

22 Gusht 2022, 18:13, Kosova & Bota CNA

Për herë të parë në Gjermani/ Rritet çmimi

Foto ilustruese

Çmimi i gazit natyror dhe energjisë elektike ka thyer rekorde në Gjermani, pasi Rusia kërcënoi me ndërprerjen e furnizimit dhe shtyrjen e ekonomisë gjermane në recesion.

Teksa kontratat e gazit u rritën deri në 21%, mësohet se për herë të parë energjia gjermane u rrit në mbi 700 € (RM3,125) për megavat/orë.

Kjo rritje është 14 herë më e lartë se mesatarja sezonale e verës në 5 vitet e fundit.

Tubacioni kryesor i gazit “Nord Stream” do të ndalojë për tri ditë mirëmbajtjen më 31 gusht, duke ngritur sërish shqetësime.

Autoritetet europiane kanë lënë të hapur mundësinë e ndërprerjes totale të furnizimeve nga Rusia, ndërsa Kremlini po hakmerret për sanksionet e vendosura për shkak të luftës me Ukrainën.

Kjo do të rrezikonte planin për të ruajtur mjaftueshëm gaz për dimër, duke vënë nën trysni ekonomitë e mëdha, ndërsa qytetarët dhe industritë do të përballen me fatura të larta.

Për herë të parë në Gjermani/ Rritet çmimi

"Katastrofa ka ardhur tashmë. Unë mendoj se pyetja kryesore është se kur liderët e BE-së do të zgjohen", tha Thierry Bros, një profesor i energjisë ndërkombëtare në “Sciences Po” në Paris.

Nga ana tjetër, Gjermania paralajmëroi se Moska mund të reduktojë më tej furnizimet me gaz dhe përsëriti thirrjen për të kursyer energjinë.

"Ne kemi një dimër shumë kritik përpara nesh. Ne duhet të presim që Putini të reduktojë më tej gazin", tha ministri gjerman i Ekonomisë, Robert Habeck për ZDF.

Të premten, “Gazprom” deklaroi se duheshin punime në të vetmen turbinë funksionale që mund të pompojë gaz në “Nord Stream”. Tubacioni ka funksionuar me vetëm 20% kapacitet prej javësh dhe politikanët evropianë këmbëngulin se kufijtë janë të motivuar politikisht.

Gjatë fundjavës, udhëheqësit gjermanë u shprehën se vendi mund të luftojë për të zëvendësuar furnizimet e pakësuara të gazit nga Rusia. Qeveria gjermane synon një ulje prej 20% të konsumit./ B.A. – CNA.al