web counter
LEXO PA REKLAMA!

SHKARKO APP

App Store
Google Play

OKB-ja shton Izraelin në listën e ushtrive që kryejnë shkelje ndaj fëmijëve

8 Qershor 2024, 09:23, Kosova & Bota CNA

OKB-ja shton Izraelin në listën e ushtrive që kryejnë

OKB-ja ka shtuar ushtrinë izraelite në listën e shkelësve që nuk kanë mbrojtur fëmijët vitin e kaluar, tha ambasadori i Izraelit në OKB.

Gilad Erdan, deklaroi se ishte njoftuar për vendimin të premten, e përshkroi vendimin si "të turpshëm". Ministri i Jashtëm Israel Katz tha se kjo "do të kishte pasoja për marrëdhëniet e Izraelit me OKB-në".

Mijëra fëmijë janë vrarë në fushatën e Izraelit kundër Hamasit në Gaza dhe mijëra të tjerë kanë nevojë për ndihmë humanitare.

Hamasi dhe Xhihadi Islamik Palestinez gjithashtu do të përfshihen në listë, thuhet në raporte.

Nuk mungoi edhe një reagim nga kryeministri Benjamin Netanyahu, i cili u shpreh se OKB-ja e kishte shtuar veten në "listën e zezë të historisë" dhe se ushtria izraelite ishte "ushtria më morale në botë".

Izraeli filloi ofensivën e tij pasi Hamasi sulmoi komunitetet pranë Gazës më 7 tetor të vitit të kaluar, duke vrarë rreth 1200 njerëz, duke përfshirë 38 fëmijë dhe duke marrë peng 252, përfshirë 42 fëmijë, sipas Këshillit Kombëtar të Izraelit për Fëmijët.

Ministria e shëndetësisë e drejtuar nga Hamasi në Gaza thotë se 36,731 njerëz janë vrarë që atëherë nga bombardimet izraelite dhe sulmet tokësore.

Muajin e kaluar, OKB-ja tha se të paktën 7,797 fëmijë ishin vrarë gjatë luftës bazuar në të dhënat në lidhje me trupat e identifikuar të ofruara nga ministria e shëndetësisë e drejtuar nga Hamasi në Gaza.

Gjithashtu muajin e kaluar, OKB-ja rishikoi përqindjen e viktimave të raportuara që ishin gra dhe fëmijë nga 69% në 52% të numrit të përgjithshëm të vdekjeve./CNA 





Lajmet e fundit nga