OBSH është e shqetësuar për llojin e ri të koronës, rritje të numrit të rasteve në Indi

15 Prill 2023, 10:23, Kosova & Bota CNA

OBSH është e shqetësuar për llojin e ri të

Foto ilustruese

Organizata Botërore e Shëndetësisë (OBSH) po monitoron nga afër variantin e ri të virusit korona, i cili besohet se ka shkaktuar një rritje të re të rasteve në Indi.

Për më tepër, mbi 10,000 raste janë raportuar në këtë vend dhe shumë ekspertë thonë se javët e ardhshme mund të jenë vendimtare.

Varianti XBB.1.16, i quajtur Arkturus, është i ngjashëm me variantin Kraken XBB.1.5, më infektuesi deri më tani, sipas përfaqësueses së OBSH-së Marija Van Kerkov.

Ky virus iu shtua listës së varianteve nën mbikëqyrjen e OBSH-së vetëm më 22 mars të këtij viti. Deri më tani, numri më i madh i rasteve është identifikuar aty ku u zbulua për herë të parë lloji i ri - në Indi, e cila është një nga vendet e pakta në botë ku numri i rasteve të regjistruara me Covid-19 po rritet, sipas OBSH-së. Varianti është zbuluar edhe në SHBA, por aktualisht nuk përfaqëson as një për qind në nivel kombëtar.

XBB.1.16 dhe nënvariantet e tij janë zbuluar gjithashtu në Singapor, Australi, Mbretërinë e Bashkuar, Japoni, Izrael, Kanada, Malajzi, Danimarkë, Zelandën e Re, Gjermani, Korenë e Jugut, Spanjë, Holandë, Tajlandë, Suedi, Afrikën e Jugut, Itali dhe Kinë.

Dyshohet për një simptomë të re tek fëmijët

Simptomat e variantit Arcturus janë simptoma të zakonshme të koronës, të cilat përfshijnë shenja të sëmundjes së traktit të sipërm respirator si dhimbje koke, dhimbje të fytit dhe hundë të mbytur, të shoqëruara me ethe me dhimbje muskujsh. Ky variant, si të mëparshmet, mund të ndikojë në sistemin tretës, duke çuar në diarre, shtoi ai.

Megjithatë, ekspertët në Indi besojnë se varianti XBB.1.16 përveç që është më ngjitës, sjell edhe një simptomë të re tek fëmijët – konjuktivitin.

"Në dy ditët e fundit kemi filluar të marrim raste pediatrike të Covid 19 pas një ndërprerjeje gjashtëmujore! Një fenotip i tipit infantil duket se po shfaqet - foshnja me temperaturë të lartë, ftohje dhe kollë dhe konjuktivit jo purulent që nuk shihet në valët e mëparshme. ”, ka njoftuar në Twitter doktor Vipin M. Vasishita.