web counter
LEXO PA REKLAMA!

SHKARKO APP

App Store
Google Play

Norovirusi përhapet në Itali/ Më shumë se 300 persona të shtruar në spital

2 Korrik 2024, 07:30, Kosova & Bota CNA
Norovirusi përhapet në Itali/ Më shumë se 300 persona
Foto ilustruese, marrë nga Google

Më shumë se 300 persona janë shtruar në spital për shkak të infeksionit norovirus (virus shumë ngjitës që shkakton të vjella dhe diarre) në liqenin Garda në veri të Italisë.

Dyshohet se njerëzit janë infektuar nga uji i ujësjellësit të qytetit, njoftuan autoritetet.

Më shumë se 900 raste të infektimit me norovirus janë regjistruar në komunën e Tori del Benaco në bregun lindor të liqenit, i cili është një destinacion popullor turistik, raportoi "RAI".

Të infektuarit kanë simptoma të tilla si diarre, ngërçe dhe temperaturë.

Në atë komunë uji shpërndahet pa pagesë dhe banorët u bënë thirrje që të blejnë ujë në shishe.

Gazetat italiane raportuan se shpërthimi i infeksionit viral ishte i lidhur me një rritje të nivelit të liqenit pas reshjeve të dendura në javët e fundit, gjë që çoi në një mbingarkesë të sistemit të kanalizimit ose përgatitjen e ushqimit.

Norovirusi është shumë ngjitës, por zakonisht është jetëshkurtër, me simptoma që zhduken pas gjysmë dite deri në dy ditë.

Virusi mund të transmetohet jo vetëm nëpërmjet ujit të kontaminuar, por edhe nëpërmjet ushqimit. Noroviruset janë një grup virusesh që shkaktojnë gripin e stomakut ose gastroenteritin./CNA 





Lajmet e fundit nga