web counter
LEXO PA REKLAMA!

SHKARKO APP

App Store
Google Play

E fundit!

x

Negociatat për armëpushimin/ Trump: Jam i zemëruar me presidentin Putin

31 Mars 2025, 17:30, Kosova & Bota CNA

Negociatat për armëpushimin/ Trump: Jam i zemëruar me presidentin

Presidenti amerikan Donald Trump u shpreh se është shumë i zemëruar me presidentin rus Vladimir Putin, pas javësh përpjekjesh për të negociuar një armëpushim në Ukrainë.

Në një intervistë për NBC News, presidenti amerikan kritikoi Putinin për sulmin ndaj besueshmërisë së presidentit ukrainas Volodymyr Zelensky dhe kërcënoi se do të vendoste një tarifë 50% për vendet që blejnë naftë ruse, nëse ai nuk bie dakord për një armëpushim.

“Mund të thuash se isha shumë i zemëruar, i tërbuar kur Putin filloi të hynte në kredibilitetin e Zelenskyt, sepse nuk po shkon në vendin e duhur”,- tha Trump.

Javën e kaluar, Putin sugjeroi mundësinë që një qeveri e udhëhequr nga OKB në Ukrainë, të mbajë zgjedhje të reja dhe më pas të fillojë bisedimet e paqes.

Komentet e Trump shënojnë një ndryshim në tonin ndaj Putinit. Gjatë gjashtë javëve të fundit, Trump ka bërë komente ndaj presidentit Zelensky dhe ka kërkuar lëshime të shumta nga presidenti ukrainas.

Të dielën, ai akuzoi Zelenskyn se përpjekja të tërhiqej nga një marrëveshje për ndarjen e mineraleve të tokës të rralla të Ukrainës me SHBA-në dhe paralajmëroi për probleme të mëdha nëse është kështu.

Është hera e parë që SHBA-ja ka paralajmëruar seriozisht Rusinë me pasoja për vonesën e negociatave të armëpushimit, të cilat duket se e kthejnë topin diplomatik në fushën e Moskës.

NBC News raportoi se, në një intervistë telefonike 10-minutëshe, Trump tha se ishte shumë i zemëruar dhe kur Putini kritikoi besueshmërinë e lidershipit të Zelenskyt, edhe pse vetë presidenti e ka quajtur udhëheqësin ukrainas një diktator dhe ka kërkuar që ai të mbajë zgjedhje./CNA





Lajmet e fundit nga