web counter
LEXO PA REKLAMA!

SHKARKO APP

App Store
Google Play

E fundit!

x

Në përpjekje për të ndaluar një vjedhje/ Vritet në SHBA 41-vjeçari nga Kosova

14 Nëntor 2025, 08:54, Kosova & Bota CNA

Në përpjekje për të ndaluar një vjedhje/ Vritet në

Një 41-vjeçar shqiptar nga Kosova, i cili ishte administrator pallati në Brooklyn në SHBA, ka humbur jetën pas një përleshjeje fizike me një person që po përpiqej të vidhte pako nga apartamentet.

Sipas raportimeve të mediave amerikane, pas informacioneve për përplasjen policia ka mbërritur në vendin e ngjarjes dhe ka arrestuar hajdutin e pakove.

Ndërkohë, shqiptari me inicialet B.H., është kthyer në banesën e tij ku jetonte me bashkëshorten dhe tre fëmijët, ndërsa në një moment nuk është ndier mirë. Pas dërgimit në spital ai ka ndërruar jetë për shkak të goditjes që ka marrë në kokë nga përleshja. Familjarët e tij janë shprehur se hajduti e kishte goditur shqiptarin me telefon në kokë. 

41-vjeçari kishte punuar në ndërtesë për 16 vjet dhe ishte i njohur midis qiramarrësve për mirësinë, përulësinë dhe përkushtimin e tij. 

Ai ishte kthyer së fundmi nga një udhëtim në Kosovë, ku kishte vizituar familjen e tij. Të afërmit janë shprehur se funerali i tij do të mbahet atje në ditët në vijim. Ndërkohë ndaj sulmuesit ende nuk është ngritur asnjë akuzë zyrtare pasi priten rezultatet e autopsisë për shkaqet e humbjes së jetës së shqiptarit. /CNA





Lajmet e fundit nga