Merr fund kaosi i fluturimeve në Gjermani/ Sindikatat e aeroportit arrijnë marrëveshjen për pagat

19 Maj 2023, 09:46, Kosova & Bota CNA

Merr fund kaosi i fluturimeve në Gjermani/ Sindikatat e aeroportit

Verdi dhe Federata e Shërbimit Civil kanë arritur një marrëveshje në lidhje me pagesat shtesë, ditët e pushimit dhe shtesat pas ndërprerjes së fluturimeve të ndodhura për shkak të grevave.

Sipas Skift, dy sindikatat gjermane dhe një shoqatë e sigurisë së aviacionit që përfaqëson 25,000 punëtorë në industri kanë diskutuar dhe kanë rënë dakord me përfaqësuesit e qeverisë në lidhje me pagat shtesë për turnet e natës, shtesat për drejtuesit, si dhe të dielat dhe festave publike, raporton "SchengenVisaInfo.com"

"Marrëveshja paraqet sfida të mëdha për anën e punëdhënësve dhe nuk do të jetë e lehtë për t'u zbatuar në aspektin ekonomik," tha shoqata në një deklaratë.

Gjermania, e cila ka ekonominë më të madhe në krahasim me vendet e tjera evropiane, po përballet me inflacion të lartë, duke çuar në më shumë greva pasi punëtorët kërkojnë paga më të larta për të vazhduar me rritjen e kostos së jetesës.

Sipas të dhënave të Zyrës së Statistikave të BE-së, Eurostat, inflacioni vjetor ka arritur në shtatë për qind në zonën e BE-së që nga prilli, në 8.1 për qind vetëm për BE-në. Normat e inflacionit qëndruan në 7.6 për qind për Gjermaninë, ndërsa normat vjetore më të ulëta u regjistruan në Luksemburg (2.7 për qind), Belgjikë (3.3 për qind) dhe Spanjë (3.8 për qind).

Nga ana tjetër, vendet me normat më të larta të inflacionit të regjistruara për muajin prill ishin Hungaria (24.5 për qind), Letonia (15 për qind) dhe Çekia (14.3 për qind). Në përgjithësi, inflacioni vjetor ra në 22 shtete anëtare dhe u rrit në pesë të tjerë.

Sipas DW, rreth 700 fluturime u anuluan për shkak të grevave, duke prekur të gjitha aeroportet e Dusseldorfit, Këlnit, Bonit dhe Hamburgut. Kjo tregon se rreth 100,000 pasagjerë u prekën nga veprimi industrial.

Në përgjithësi, numri i pasagjerëve të prekur nga grevat në tre muajt e parë të 2023 arriti në 900,000 pasagjerë, të cilët u detyruan të riorganizoheshin për shkak të grevave të Verdit. Disa nga masat që u zbatuan gjatë këtyre grevave përfshinin ndalimin e trafikut në distanca të gjata dhe rajonale duke krijuar kërdi në trafikun ajror dhe atë kombëtar.

Ashtu si gjermanët, francezët kanë protestuar për të drejtat e tyre, pasi kandidati presidencial, Emmanuel Macron, propozoi uljen e moshës së pensionit nga 64 në 62 vjeç, duke nxitur mijëra punëtorë të nxjerrin zemërimin e tyre në rrugë dhe duke ndikuar në trafikun ajror në përgjithësi.

Drejtori i Përgjithshëm i EasyJet, Johan Lundgren, më parë tha se pasojat që ka shkaktuar greva e kontrollorëve të trafikut ajror në Francë janë të papranueshme. Ai gjithashtu u bëri thirrje autoriteteve që të jenë të shpejtë në adresimin e çështjeve në lidhje me këtë çështje përpara se turistët të kalojnë në destinacione të tjera./ CNA.al