web counter
LEXO PA REKLAMA!

SHKARKO APP

App Store
Google Play

E fundit!

x

Mbarëvajtja e procesit zgjedhor në Kosovë/ Prokurori i Shtetit jep detaje

12 Tetor 2025, 21:09, Kosova & Bota CNA

Mbarëvajtja e procesit zgjedhor në Kosovë/ Prokurori i Shtetit

Prokurori i Shtetit në Kosovë ka dalë me një reagim për mediat lidhur me mbarëvajtjen e procesit të sotëm zgjedhor. Në njoftim thuhet se nga të gjitha rastet e denoncuara për shkelje, pas verifikimeve vetëm dy prej tyre kanë paraqitur elemente të kryerjes së veprave penale kundër të drejtave të votimit. Ndërkohë të dy personat e ndaluar janë liruar me vendim të prokurorit.

“Rasti i parë është iniciuar në fshatin Bare – Mitrovicë Jugu, për veprën penale: ‘Cenim i fshehtësisë së votimit’, ku i dyshuari me vendim të prokurorit është liruar në procedurë të rregullt. Ndërkaq, rasti i dytë është iniciuar në Kllokot – Gjilan, për veprën penale: ‘Cenim i përcaktimit të lirë të votuesve’, ku e dyshuara me vendim të prokurorit është liruar në procedurë të rregullt”, thuhet në njoftim.

Për zgjedhjet lokale që u mbajtën sot, Prokuroria e Shtetit kishte angazhuar rreth 100 prokurorë dhe zyrtarë prokurorialë për të garantuar integritetin e procesit zgjedhor. Prokurorët ishin vendosur në zyrat e prokurorive ose stacionet policore, duke bashkëpunuar me Policinë e Kosovës për të parandaluar çdo parregullsi./CNA





Lajmet e fundit nga