web counter
LEXO PA REKLAMA!

SHKARKO APP

App Store
Google Play

E fundit!

x

Lidhjet e ish-princit Andrew me Epstein/ Mbreti Charles: Të gatshëm të mbështesim policinë për çdo hetim

9 Shkurt 2026, 20:16, Kosova & Bota CNA

Lidhjet e ish-princit Andrew me Epstein/ Mbreti Charles: Të gatshëm

Mbreti Charles III ka reaguar për herë të parë lidhur me skandalin Epstein dhe lidhjen me vëllain e tij, ish-princin Andrew Mountbatten-Windsor. Pallati i Buckinghamit ka bërë me dije se Mbreti është i gatshëm të mbështesë policinë, ndërsa ata shqyrtojnë akuzat kundër Andrew Mountbatten-Windsor.

“Mbreti e ka bërë të qartë, me fjalë dhe përmes veprimeve të pashembullta, shqetësimin e tij të thellë për akuzat që vazhdojnë të dalin në dritë në lidhje me sjelljen e zotit Mountbatten-Windsor. Ndërsa pretendimet specifike në fjalë duhet t'i adresojë Mountbatten-Windsor, nëse na kontakton Policia e Luginës së Thames, ne jemi të gatshëm t'i mbështesim ata siç do të prisnit”, tha një zëdhënës i Pallatit.

Në deklaratën e Pallatit të Buckinghamit thuhet se mendimet e Mbretit dhe Mbretëreshës kanë qenë dhe mbeten me viktimat e çdo forme abuzimi.

Kjo deklaratë vjen pasi policia tha se po hetonte raportet se në vitin 2010, kur ai ishte i dërguari special për tregtinë, Andrew i dha Jeffrey Epstein raporte konfidenciale, ndërsa amerikani dërgoi një grua në rezidencën asokohe të ish-princit.

Vëllai i mbretit përdor mbiemrin Mountbatten-Windsor pasi Charles ia hoqi titullin princëror në fund të vitit të kaluar pas zbulimeve rreth marrëdhënies së tij me Epstein. /CNA





Lajmet e fundit nga