web counter
LEXO PA REKLAMA!

SHKARKO APP

App Store
Google Play

Koreja e Veriut dhe Kina zotohen për t’i forcuar lidhjet

23 Mars 2024, 13:36, Kosova & Bota CNA

Koreja e Veriut dhe Kina zotohen për t’i forcuar lidhjet

Zyrtarët koreano-veriorë dhe ata kinezë janë takuar këtë javë në Pekin dhe janë zotuar për t’i forcuar lidhjet bilaterale, ka thënë një media koreano-veriore të shtunën, teksa Pheniani synon t’i rrisë lidhjet diplomatike, pas masës së izolimit që ka zbatuar në kohën e pandemisë së koronavirusit.

Në takimin e kësaj jave, Wang Huning, lideri i katërt më me ndikim në Kinë “ka thënë se pavarësisht ndryshimit të situatës ndërkombëtare, miqësia mes dy vendeve, një zgjidhje strategjie mes dy palëve, nuk do të dobësohet asnjëherë”, sipas agjencisë shtetërore të lajmeve në Korenë e Veriut, "KCNA".

Lideri koreano-verior, Kim Jong Un, dhe ai kinez, Xi Jinping, janë takuar më herët gjatë këtij viti dhe janë zotuar, po ashtu, për rritje të bashkëpunimit.

Takimi mes zyrtarëve ka ardhur teksa Koreja e Veriut i ka rinisur testimet raketore, duke i tensionuar kështu tensionet me rivalët, sikurse Shtetet e Bashkuara dhe Korenë e Jugut.

Ekspertët e huaj kanë paralajmëruar për veprime të tilla të koreano-veriorëve, dhe ashpërsim të retorikës së luftës, para zgjedhjeve presidenciale të nëntorit në Shtetet e Bashkuara./REL 





Lajmet e fundit nga