web counter
LEXO PA REKLAMA!

SHKARKO APP

App Store
Google Play

Të paktën 115 viktima nga sulmi në Moskë, autoritetet: Numri pritet të rritet

23 Mars 2024, 12:24, Kosova & Bota CNA
Të paktën 115 viktima nga sulmi në Moskë, autoritetet: Numri
Foto nga homazhet në Moskë

Andrey Vorobyev, guvernatori i rajonit të Moskës, thotë se numri i viktimave në sulmin në Sallën e Koncerteve Crocus mund të "rritet ndjeshëm".

Deri më tani raportohet se janë humbur jetën të paktën 115 persona. Më shumë se 140 të tjerë u plagosën dhe gjashtëmbëdhjetë prej tyre janë ende në një "gjendje jashtëzakonisht të rëndë", duke përfshirë një fëmijë, thonë autoritetet ruse.

Një linjë telefonike është hapur gjithashtu për të afërmit e viktimave për të gjetur "vendndodhjen dhe gjendjen e të afërmve të shtruar në institucionet mjekësore të qytetit të Moskës", raporton agjencia shtetërore ruse e lajmeve "Tass".

Autoritetet ruse kanë nisur hetimet për ngjarjen dhe katër persona, të cilët janë të përfshirë drejtpërdrejt në sulmin në sallën e koncerteve në Moskë janë në mesin e 11 të arrestuarve.

Sulmi është marrë përsipër nga Shteti Islamik, por autoritetet ruse theksojnë se 4 nga 11 të arrestuesit "kishin ndërmend të kalonin në Ukrainë" dhe kishin "kontakte me palën ukrainase". 

Kjo deklaratë është mohuar nga Ukraina, ku Mykhailo Podolyak, një këshilltar i presidentit ukrainas Volodymyr Zelensky tha se vendi i tij nuk kishte "absolutisht asnjë lidhje me këto ngjarje"./CNA 





Lajmet e fundit nga