web counter
LEXO PA REKLAMA!

SHKARKO APP

App Store
Google Play

'Kanali i ri i Suezit'/ Kina nis ndërtimin e një kalimi lidhës tregtar me Europën

2 Shtator 2025, 18:44, Kosova & Bota CNA

'Kanali i ri i Suezit'/ Kina nis ndërtimin e një kalimi

Qyteti malor i Chongqing në Kinë është bërë një qendër e rëndësishme për një rrugë tregtare tokësore që disa thonë se mund të bëhet Kanali i ri i Suezit.

Rruga shërbehet me hekurudhë dhe pritet të bëhet qendra më e rëndësishme logjistike e Azisë.

Media kineze ‘South China Morning Post’ tha se qyteti është shfaqur shpejt si një pikëmbështetje strategjike në rrjetin tregtar të Kinës dhe modeli i tij, nëse vazhdon të ketë sukses, mund të frymëzojë qeverinë të ndërmarrë investime të ngjashme në perëndim të vendit.

Çdo ditë, qyteti menaxhon qindra dërgesa, duke lidhur vendet e Azisë Juglindore si Vietnami dhe Singapori me Evropën, përfshirë Gjermaninë dhe Poloninë, duke përdorur trena mallrash me shpejtësi të lartë.

Koha e dorëzimit në rrugë tokësore është 10-20 ditë më e shkurtër se rrugët tradicionale detare dhe thjeshton ndjeshëm çështjet doganore. Nisja e trenit me shpejtësi të lartë të ASEAN në vitin 2023 e uli kohën e transportit midis Hanoit dhe Chongqing në vetëm pesë ditë, nga të cilat mallrat do të arrijnë në Europë në më pak se dy javë./CNA





Lajmet e fundit nga