web counter
LEXO PA REKLAMA!

SHKARKO APP

App Store
Google Play

Irani: Jemi të gatshëm për dialog me SHBA-në, por do të kundërpërgjigjemi nëse na provokojnë

28 Janar 2026, 15:53, Kosova & Bota CNA

Irani: Jemi të gatshëm për dialog me SHBA-në, por do të

Misioni diplomatik i Teheranit në Kombet e Bashkuara ka deklaruar se Irani është i përgatitur për bisedime me Shtetet e Bashkuara të Amerikës, por do të mbrohet nëse provokohet.  

"Irani është gati për dialog, bazuar në respekt të ndërsjellë dhe interesa (të ndërsjella). Por nëse i bëhet presion, do të mbrohet dhe do të përgjigjet si kurrë më parë", tha misioni iranian në një postim në platformën "X". 

Më parë, presidenti i SHBA-së, Donald Trump, i kërkoi Teheranit të arrinte një marrëveshje mbi programin e tij bërthamor, duke kërcënuar se nëse nuk e bën këtë, Uashingtoni do të nisë një sulm të ri, shumë më të keq se ai i mëparshmi. 

Trump tha se armata, e udhëhequr nga aeroplanmbajtësja USS Abraham Lincoln, po lëvizte me “shpejtësi të madhe, fuqi të madhe, entuziazëm dhe vendosmëri", duke theksuar se ishte një flotë më e madhe se ajo e dërguar në Venezuelë. 

Ai shprehu shpresën se Irani do të ulej në tryezën e negociatave dhe do të arrinte një marrëveshje që do të ndalonte armët bërthamore dhe do të ishte e mirë për të gjitha palët.

Presidenti i SHBA-së theksoi se koha po mbaronte dhe përsëriti thirrjen e tij që Irani të kërkonte një marrëveshje, duke kujtuar veprimet e mëparshme ushtarake ndaj Iranit.

“Sulmi i radhës do të jetë shumë më i keq! Mos e lini këtë të ndodhë përsëri”, u shpreh Trump. /CNA





Lajmet e fundit nga