web counter
LEXO PA REKLAMA!

SHKARKO APP

App Store
Google Play

Irani dhe "Gazpromi" nënshkruajnë marrëveshje për energjinë

19 Korrik 2022, 13:05, Kosova & Bota CNA
Irani dhe "Gazpromi" nënshkruajnë marrëveshje për
Presidenti rus Vladimir Putin dhe presidenti iranian Hassan Rouhani

Kompania Kombëtare e Naftës së Iranit (NIOC) dhe kompania shtetërore ruse e energjisë, "Gazprom", kanë nënshkruar një memorandum mirëkuptimi në vlerë prej rreth 40 miliardë dollarësh, njoftoi agjencia iraniane e lajmeve, "SHANA".

Marrëveshja e arritur më 19 korrik, përkoi me vizitën e presidentit rus, Vladimir Putin, në Teheran. Lideri rus po merr pjesë në një samit me homologët e tij nga Irani dhe Turqia.

"SHANA" raportoi se "Gazprom" do t’i ofrojë mbështetje kompanisë kombëtare të naftës së Iranit në zhvillimin e fushave të gazit në Kish dhe Parsin Verior, si dhe të gjashtë fushave të naftës.

LEXONI EDHE KËTË: Putini, në Teheran për bisedime me liderët e Iranit dhe Turqisë.
Në dokument thuhet se "Gazprom" do të përfshihet po ashtu në përfundimin e projekteve të gazit të lëngshëm natyror dhe ndërtimin e tubacioneve për eksportin e gazit.

Irani është shteti i dytë në botë, pas Rusisë, me rezervat më të mëdha të gazit. Por, sanksionet e vendosura nga Shtetet e Bashkuara i kanë pamundësuar Teheranit që të ketë qasje në teknologji dhe kanë ngadalësuar zhvillimin e eksporteve të gazit./rel





Lajmet e fundit nga