web counter
LEXO PA REKLAMA!

SHKARKO APP

App Store
Google Play

E fundit!

x

Dubai merr vendimin që nuk pritej/ Heq taksën 30% të alkoolit

3 Janar 2023, 22:32, Kosova & Bota CNA
Dubai merr vendimin që nuk pritej/ Heq taksën 30% të alkoolit
Foto ilustruese - Dubai

Dubai ka vendosur të heqë taksën prej 30% mbi shitjet e alkoolit.

Vendimi është bërë i ditur nga vetë bashkia e Dubait, në sajë të një sërë hapash të marrë për të nxitur turizmin dhe tërhequr më shumë banorë të huaj.

“Komuna e Dubait ka ndërprerë përkohësisht mbledhjen e tarifës prej 30% nga kompanitë e pijeve alkoolike për një periudhë 1-vjeçare nga fillimi i datës 01.01.2023 deri në fund të datës 31.12.2023. Kompanitë e autorizuara për të shitur në Emiratin e Dubait janë njoftuar për këtë vendim”, thuhet në njoftimin e bashkisë.

Kujtojmë se pijet alkoolike janë të kushtueshme në Dubai, me një litër birrë që kushton shpesh 15 dollarë dhe një gotë verë deri në 20 dollarë ose më shumë.

CNBC raporton se menjëherë pas kësaj, shpërndarësit lokalë të alkoolit njoftuar se ulja e taksës është reflektuar menjëherë në çmime.

Shpërndarësit gjithashtu deklaruan se licencat personale të pijeve, që më parë kushtonin 270 dirhemë (73,50 dollarë), tani janë falas. Përpara 1 janarit, licencat për pije alkoolike duhej të rinovoheshin çdo vit dhe kishin një kohë rinovimi prej rreth katër javësh. Megjithatë, blerja e alkoolit në bare nuk kërkonte ndonjë licencë.

Nuk është e sigurt nëse licencat e reja falas do të kenë ende të njëjtat afate kohore rinovimi. Dubai është i vetmi vend në Emiratet e Bashkuara Arabe që u kërkon banorëve të marrin një licencë për pije alkoolike për blerjet në dyqane./ B.A. – CNA.al





Lajmet e fundit nga