web counter
LEXO PA REKLAMA!

SHKARKO APP

App Store
Google Play

E fundit!

x

Britania dhe BE-ja zhvillojnë bisedimet finale për marrëvshjen pas Brexitit

27 Shkurt 2023, 08:31, Kosova & Bota CNA

Britania dhe BE-ja zhvillojnë bisedimet finale për marrëvshjen

Kryeministri britanik, Rishi Sunak, dhe shefja e Komisionit Europian, Ursula von der Leyen, pritet të zhvillojnë “bisedime finale” për një marrëveshje të re - pas Brexitit - për Irlandën Veriore.

Ata do të takohen në mesditën e së hënës për të diskutuar “sfida komplekse”, kanë thënë zyrtarë të zyrës së Sunakut.

Mbretëria e Bashkuar dëshiron të ndryshojë marrëveshjen aktuale – e cila parasheh kontrollimin e disa mallrave kur ato hyjnë në Irlandën Veriore nga pjesë tjera të Britanisë së Madhe.

Një marrëveshje e re është duke u pritur tash e disa ditë.

Zëvendëskryeministri britanik, Dominic Raab, ka thënë më herët se Mbretëria e Bashkuar dhe Bashkimi Europian janë shumë afër marrëveshjes dhe që blloku europian i ka tejkaluar disa çështje.

Zyrtarët britanikë kanë thënë se deri më tani janë zhvilluar “qindra orë bisedime” dhe se është arritur “përparim konstruktiv”.

Marrëveshja e ashtuquajtur, Protokolli i Irlandës Veriore, është nënshkruar nën udhëheqësinë e ish-kryeministrit britanik, Boris Johnson, teksa Mbretëria e Bashkuar është larguar nga Bashkimi Europian.

Sipas marrëveshjes, Irlanda Veriore ka vazhduar të ndjekë disa ligje të BE-së, ashtu që mallrat të mund të transportohen lirshëm në kufirin e Republikës së Irlandës, pa kontrolle.

Mirëpo mallrat që nisen nga Anglia, Skocia dhe Uellsi kontrollohen kur të arrijnë në portet e Irlandës Veriore.

Kritikët besojnë se një marrëveshje e tillë zvogëlon pozicionin shtetëror brenda Mbretërisë së Bashkuar, si dhe aftësinë për të kryer tregti.

Britania është larguar nga Bashkimi Europian më 31 janar të vitit 2020, pas një referendumi kundër anëtarësisë në këtë bllok.

Ajo ka qenë pjesë e bllokut europian prej 1 janarit të vitit 1973./REL





Lajmet e fundit nga