web counter
LEXO PA REKLAMA!

SHKARKO APP

App Store
Google Play

E fundit!

x

Bllokada merr fund sot/ Ukraina dhe Rusia firmosin marrëveshjen për eksportet e grurit

22 Korrik 2022, 09:29, Kosova & Bota CNA

Bllokada merr fund sot/ Ukraina dhe Rusia firmosin marrëveshjen për

Sot pritet që të firmoset marrëveshja mes Ukrainës, Rusisë, Turqisë dhe Sekretarit të Përgjithshëm i OKB-së, António Guterres, për të rifilluar eksportet e grurit të Ukrainës në Detin e Zi.

Lajmin e ka bërë të ditur zyra e presidentit turk, Recep Tayyip Erdo?an, duke thënë se u arrit një marrëveshje e përgjithshme mbi një plan të udhëhequr nga OKB gjatë bisedimeve në Stamboll javën e kaluar dhe se tani do të vihet në zbatim në letër.

Detajet e marrëveshjes nuk dihen ende, por ajo do të nënshkruhet në zyrat e Pallatit Dolmabahçe në orën 14:30.

Kujtojmë këtu se OKB-ja dhe Turqia kanë punuar për dy muaj për të ndërmjetësuar atë që Guterres e quajti një marrëveshje “paketë”,  për të rifilluar eksportet e grurit të Ukrainës në Detin e Zi dhe për të lehtësuar dërgesat ruse të grurit dhe plehrave.

Ukraina dukej se kishte një notë të kujdesshme lidhur me marrëveshjen të enjten mbrëma. Zëdhënësi i Ministrisë së Jashtme të Ukrainës, Oleg Nikolenko tha për "Reuters" se mund të nënshkruhet një dokument, i cili do të detyrojë palët të mundësojnë funksionimin e sigurt të rrugëve të eksportit në Detin e Zi.

Nikolenko tha se delegacioni ukrainas në bisedime do të mbështeste vetëm vendimet që do të garantonin sigurinë e rajoneve jugore të Ukrainës, pozicionet kyçe të forcave të armatosura të Ukrainës në Detin e Zi dhe eksportet e sigurta të prodhimeve bujqësore ukrainase.





Lajmet e fundit nga