web counter
LEXO PA REKLAMA!

SHKARKO APP

App Store
Google Play

BE ngre alarmin/ Po përgjohen zyrtarët e lartë të PE, tentativa për të hakëruar telefonat

28 Korrik 2022, 19:17, Kosova & Bota CNA
BE ngre alarmin/ Po përgjohen zyrtarët e lartë të PE,
Foto ilustruese

Bashkimi Europian ka ngritur alarmin se disa zyrtarë të lartë europianë kanë rënë pre e përgjimeve nga hakerat.

Agjencia e lajmeve "Reuters" shruan në "Telegram" se Bashkimi Europian ka gjetur prova se celulari i Komisionerit të Drejtësisë Didier Reyders dhe punonjësve të tjerë të Komisionit Europian kanë qenë objekt i një tentative hakerimi.

Ndërkohë, një analizë nga departamenti i të Drejtave Civile dhe Çështjeve Kushtetuese të Parlamentit Europian drejtuar komitetit të Parlamentit Europian që heton përdorimin e softuerit të mbikqyrjes me qëllim të keq, i lëshuar në maj, përshkruan atë që ka ndodhur në disa vende europiane.

Sipas raportit në fjalë, më 22 korrik 2021, autoritetet franceze njoftuan se kishin filluar një hetim për pretendimet se Maroku përdorte Pegasus për të spiunuar presidentin francez Emmanuel Macron, ndërsa gjurmët e Pegasus u gjetën në telefonat celularë të të paktën pesë anëtarëve të Këshillit Ministror francez.

Raportet e njëkohshme treguan se ish-kryeministri Edouard Philippe dhe 14 ministra francezë ishin në shënjestër të Marokut (përfshirë Ministrin e Brendshëm Christophe Castaner, Ministrin e Jashtëm Jean-Yves Le Drian dhe Ministrin e Financave Bruno Le Maire).

Zyrtarë të Ministrisë së Jashtme Finlandeze viktima të Pegasus.

Sipas të njëjtit raport, më 28 janar 2022, Ministria e Punëve të Jashtme Finlandeze deklaroi se disa nga zyrtarët e saj jashtë vendit kishin qenë viktima të malware Pegasus për mjaft kohë.

Në lidhje me rastin e Gjermanisë, raporti vëren se Agjencia Federale e Policisë Kriminale Gjermane (BKA) pranoi, gjatë një takimi me dyer të mbyllura të Komitetit të Brendshëm të Bundestagut, se kishte blerë fshehurazi Pegasus në vitin 2019 me disa funksione të paaftë. Duhet theksuar se softueri është përdorur në operacione lidhur me terrorizmin dhe krimin e organizuar që nga marsi i vitit 2021, ndërsa negociatat për blerjen e tij nga NSO kanë nisur në vitin 2017./CNA.al





Lajmet e fundit nga