web counter
LEXO PA REKLAMA!

SHKARKO APP

App Store
Google Play

Alarmi në Santorini/ Greqia shpall gjendjen e jashtëzakonshme

6 Shkurt 2025, 15:26, Kosova & Bota CNA

Alarmi në Santorini/ Greqia shpall gjendjen e jashtëzakonshme

Në Greqi, qeveria shpalli gjendjen e jashtëzakonshme në Santorini.

Ishulli gjendet mes aktivitetit sizmik intensiv dhe të vazhdueshëm që po trondit Egjeun dhe ishujt e tjerë në afërsi të tij, si Amorgos, Anafi dhe Ios.

Deri më tani mijëra banorë dhe vizitorë po largohen masivisht. 

Gjendja e jashtëzakonshme do të jetë në fuqi deri më 3 mars, thuhet në njoftimin e autoriteteve të mbrojtjes civile, pasi lëkundjet vazhduan të tronditin zonën, duke rritur rrezikun e rrëshqitjeve të rënda të dheut dhe rrëshqitjeve të gurëve.

“Bashkia Thira u shpall gjendje emergjente e Mbrojtjes Civile pas vendimit të Sekretarit të Përgjithshëm të Mbrojtjes Civile, Vasilis Papageorgiou, për adresimin e nevojave emergjente dhe menaxhimin e pasojave nga aktiviteti sizmik që ka ndodhur së fundmi në zonën e mësipërme. Kjo deklaratë do të jetë e vlefshme nga data 02.01.2025 deri në datën 3.3.2025”, thuhet në njoftimin zyrtar.

Vetëm natën e së mërkurës, gjashtë tërmete me magnitudë 4 u regjistruan në zonën detare rreth Santorinit, të ndjekur nga një goditje më e fortë prej 5.2 në jug të Amorgos.

Aktiviteti intensiv po rrezikon edhe banorët që kanë vendosur të qëndrojnë aty./CNA 





Lajmet e fundit nga