web counter
LEXO PA REKLAMA!

SHKARKO APP

App Store
Google Play

Aksidenti në Novi Sad/ Opozita serbe proteston kundër qeverisë

11 Nëntor 2024, 12:23, Kosova & Bota CNA

Aksidenti në Novi Sad/ Opozita serbe proteston kundër qeverisë

Opozita serbe do të protestojë pasditen e sotme në Novi Sad pas aksidentit vdekjeprurës në një stacion hekurudhor lokal, për të cilin ata fajësojnë moskokëçarjen dhe korrupsionin qeveritar.

Më herët ka pasur protesta të dhunshme kundër qeverisë për këtë rast.

Tragjedia ndodhi javën e kaluar kur çatia mbi hyrjen e stacionit u shemb papritmas, duke vrarë 14 persona dhe duke plagosur rëndë tre të tjerë.

Policia përdori gaz lotsjellës për të shpërndarë turmën, pasi protestuesit thyen xhamat në hyrje të bashkisë.

Protestuesit mbanin pankarta ku shkruhej "I keni duart e përgjakura” dhe "Ju do të përgjigjeni për këtë", si dhe brohoritën "Hajdutë" dhe "Arrestoni (Presidentin Aleksandar) Vuçiç".

Policia rrethoi gjithashtu zyra të tjera shtetërore dhe bashkiake në qendër të qytetit.

Politikanët opozitarë, aktivistët dhe grupet e të drejtave të njeriut në Serbi, akuzojnë autoritetet besnike të Presidentit Vuçiç dhe partisë së tij për korrupsion të shfrenuar, lidhje me krimin e organizuar, nepotizëm dhe burokraci të tepruar./ CNA





Lajmet e fundit nga