web counter
LEXO PA REKLAMA!

SHKARKO APP

App Store
Google Play

E fundit!

x

Vllaznia gjen sulmues, një ekuadorian për shkodranët

2023-08-12 09:39:39, Sport CNA

Vllaznia do të zhvillojë sot një miqë sore me aromë “klasikeje”, përballë ekipit të Tiranës në stadiumin “Selman Stërmasi”, duke nisur nga ora 17:00. Një përballje që do të paraqesë në njëfarë mënyrë edhe ecurinë e deritanishme të punës së bërë te kuqeblutë. Megjithatë, kjo miqësore do të ketë vlerë edhe për afrimet e reja që janë bërë dhe priten që të bëhen te Vllaznia.

Xhelil Asani e Frank Obando janë dy emrat që priten të tregojnë vlerat e tyre te kuqeblutë. Asani tani është pjesë e Vllaznisë dhe ky test ndaj skuadrës kryeqytetase do të jetë edhe performanca e parë me Vllazninë. Ndërsa një test për të vendosur për të ardhmen e tij me Vllazninë do të jetë për sulmuesin Obando. Siç edhe është bërë e ditur, pranë Vllaznisë po kalon një periudhë prove edhe ekuadoriani, Frank Obando. Sulmuesi 25 vjeç dhe 1.86 metra i gjatë do të ketë një test para teknikut Memelli dhe stafit drejtues për vijimësinë. Megjithatë, kjo ndeshje nuk do të jetë vendimtare për të, pasi, siç mësohet, ai do të jetë në provë për disa ditë dhe më pas do të jetë stafi teknik që do të vendosë për fatin e tij. Mësohet se kemi të bëjmë me një sulmues “9”-sh, i cili në sezonin e fundit ka luajtur fillimisht me ekipin Nacional de Quito që u shpall kampion në Serinë B të Ekuadorit duke shënuar 8 gola dhe duke e ndihmuar atë të ngjitet ne Superligë.

 





Lajmet e fundit nga