web counter
LEXO PA REKLAMA!

SHKARKO APP

App Store
Google Play

E fundit!

x

Vendosi bast 1000 dollarë për Mesin, ja sa para fitoi Aguero pas Kupës së Botës

2022-12-21 21:48:08, Sport CNA

Fjeti me Mesin para finales. Pastaj e mbajti mbi supe në të gjithë stadiumin “Lusail” dhe gjithashtu ngriti Kupën e Botës që mund të ishte edhe e tij.

Si të mos mjaftonte kjo, sërish falë Mesit grumbulloi edhe një shumë të majme. Kjo ishte aventura e Serxho Agueros në Katar, ku ai arriti të përjetojë Botërorin e tij shumë personal me Argjentinën, pavarësisht se u tërhoq nga futbolli i luajtur në dhjetor 2021 për shkak të problemeve në zemër.

Ish-sulmuesit të Mançester Sitit dhe Barcelonës mund t’i jetë dashur të braktisë karrierën e tij konkurruese para kohe, por njohuritë e tij futbollistike do të mbeten përgjithmonë të nivelit të lartë.

Në fakt, Aguero, i forcuar edhe nga një lidhje e veçantë miqësie me Mesin, ka vendosur t’i besojë numrit 10 të Argjentinës duke vënë bast (fjalë për fjalë) mbi të para fillimit të turneut. 17 nëntorin e kaluar, siç dëshmohet në “Instagram”, Aguero vuri bast 1,000 dollarë (me kursin e këmbimit 941,00 euro) për faktin që “Pleshti” do të emërohej “Lojtari më i mirë” i Kupës së Botës. Dhe kështu ndodhi: në fund të turneut, Mesi ledhatoi çmimin individual edhe para Kupës së Botës. Dhe Aguero shijoi frytet e bastit të tij.





Lajmet e fundit nga