U mposhtën nga Partizani, Bellai: Jam i kënaqur me skuadrën, ja pse nuk luajti Antoni

2022-09-04 17:37:00, Sport CNA

U mposhtën nga Partizani, Bellai: Jam i kënaqur me skuadrën, ja

Arjan Bellai

Arjan Bellaj, trajneri i Bylisit, theksoi pas ndeshjes së humbur sot ndaj Partizanit se ishte i lumtur me paraqitjen e ekipit të tij. Duke folur për ?Oversport?, Bellaj i thuri elozhe skuadrës që kishte luajtur si e barabartë me të kuqtë.

?Në radhë të parë duhet të përgëzoj çunat se e kanë parë Partizanin në sy dhe nuk u duk diferenca e madhe. Ne kishim shansin të luanim me Partizanin dhe dua t?i përgëzoj se i panë në sy dhe e panë se ky është futbolli, kur luan futboll nuk ka dallim të madh. E shohim nga rezultatet, edhe nga Kastrioti në Kukës e Egnatia në Laç. Se futbolli në Superiore diferenca nuk është e madhe, diferencat janë aty-aty, thjesht rezultati ndryshon. Nga loja që bëmë, jam i kënaqur, në pjesën e dytë ishim të futur me mirë në lojë, në pjesën e dytë nuk kishim shanse për të shënuar.

Mungesa e Antoni? Për mua të gjithë lojtarët janë njëlloj, ky është futbolli dhe në momentin që klubi ka një politikë dhe investon te futbollistë që kanë të ardhme, ishte e mira që ai të ishte jashtë. Nuk ka asnjë problem do të flas me klubin e presidentin që të vazhdojmë e të gjejmë dakordësi, na mungoi sot por edhe ata që luajtën bënë njëlloj.

Besoj se deri diku bëmë shumë mirë, por të luash me Partizanin, ai ka futbollistë me kualitet e moshë që kanë eksperiencë në Superiore, me dy-tre futbollistë bëri diferencën. Ata u duken edhe të goli që pësuam me faull, tregoi se ka eksperiencë dhe humbëm përqendrimin.

Besoj se Janku është i njëjti stil me Prekën dhe kur punojmë nga ana taktike dhe lojërat që zhvillojmë gjatë javës, marrin pjesë të gjithë futbollistët në çdo pozicion se kemi lojtarë në çdo pozicion dhe bëjnë detyrat që thotë trajneri. Janku bëri mirë, siç kishte bërë Preka në lojën me top siç kërkojmë, ashtu edhe në ajër.

Sidomos kur luan me ekipe të mëdha, nuk ke çfarë humbet, çunat fituan edhe më shumë eksperiencë se luajtën me pretendentë për kampion. Ajo humbje përqendrimi bëri diferencën, ne kishim raste me Ruçin, e Qardakun, edhe një gjuajtje të Damçevskit. Në futbolli duhet të kesh më shumë fat që të fitosh e marrësh diçka?, tha Bellaj.