web counter
LEXO PA REKLAMA!

SHKARKO APP

App Store
Google Play

E fundit!

x

U largua nga Flamurtari, rrëfimi tronditës i sulmuesit: Troisi më kërkoi para, merrej me gratë e futbollistëve

2023-04-28 13:59:00, Sport CNA

U largua nga Flamurtari, rrëfimi tronditës i sulmuesit: Troisi më

Ishte dhjetori i 2022-shit kur Mateus Iakoveli u largua nga Flamurtari. Ndonëse kishte kontratë, ndodhi “divorci” i papritur. Nuk është se iku pa lënë gjurmë, pasi e gjeti 5 herë rrjetën në 12 ndeshje të luajtura. Tani që kanë kaluar 5 muaj, sulmuesi vendos që të tregojë të vërtetat e tij dhe çfarë të vërtetash… Gjatë një interviste për “Panorama Sport” zbulon se ishte Marcelo Troisi që ia ndërlikoi jetën në Vlorë. E quan ish-trajnerin jo vetëm amator dhe intrigant, por nxjerr të tjera të palara. Rrëfen se fliste keq për gruan e tij dhe gratë e sportivëve të tjerë, por edhe pjesën që i ka kërkuar që të ndajë paratë e kontratës. Sqaron se u largua vetë nga kuqezinjtë pas këtyre situatave që u krijuan, duke mohuar faktin që e largoi klubi. Nga e gjithë kjo histori, braziliani përjashton totalisht Sinan Idrizin.

"Marcelo Troisi ishte ai që më mori. Më premtoi shumë para se të vija dhe më tha se do të më ndihmonte. Madje, ai tha se futbolli shqiptar ishte shumë i dobët. Këtë ma ka thënë në telefon. Kur mbërrita në Vlorë dëgjova nga njerëz të tjerë se ai nuk ishte aq i mirë. Dhe e zbulova rrugës negativitetin e tij.

Përveçse nuk e kuptonte futbollin, nuk e përgatiste skuadrën si duhet. Mungesa e respektit ndaj meje ishte diçka që nuk e kam përjetuar kurrë në jetën time. Dhe më e keqja është se edhe ai është brazilian dhe e njeh realitetin e futbollit. Ai po fliste keq për mua pas shpine, duke thënë se paratë që mora nga klubi duhej të ishin ndarë mes meje dhe atij. Por kam prova dhe dëshmitarë se paratë që kam marrë ishin të miat. Por sipas tij, ai kishte biseduar me mua… Më thirri për të më thënë se do të filloja të luaja, do të isha në formacionin titullar dhe kjo do të ndryshonte.

Ai foli keq për peshën time me njerëzit që nuk ishin as nga klubi. Ai foli për gruan time. Fliste edhe për gratë e sportistëve të tjerë. Ai u përpoq të krijonte intriga mes lojtarëve. A mund ta kuptoni nivelin e personit që ai është? E pamundur të punosh me një person të tillë, që përzien profesionalen me personalen. Nuk e kuptoj nëse është zili, diçka personale apo ndonjë devijim karakteri. Një tjetër arsye ishte një gjobë që mora për humbjen dhe barazimin, pasi isha zëvendësues dhe i vetmi që u gjobit isha unë. Pa kuptim, apo jo? Këto janë disa nga arsyet që më bënë të kërkoj të largohem. Ndryshe nga disa lajme që dolën, e përsëris, kërkova të largohesha!", deklaroi Iakoveli. 





Lajmet e fundit nga