web counter
LEXO PA REKLAMA!

SHKARKO APP

App Store
Google Play

U dënua me 9 vite burg se kapi me zor shqiptaren, drejtësia italiane kërkon ekstradimin e Robinhos

2022-10-04 21:21:44, Sport CNA

Ministria italiane e Drejtësisë, raporton ANSA, i ka përcjellë Brazilit kërkesën për ekstradim të ish-sulmuesit të Milanit, Robinho, i cili u dënua përfundimisht 19 janarin e kaluar, së bashku me një shok të tij, me 9 vjet burgim për dhunë seksuale në grup mbi shqiptaren, e cila u keqtrajtua në një klub në Milano natën e 22 janarit 2013.

Për kërkesën për ekstradimin e ish-playmakerit të kuqezinjve në Itali, u informua edhe zyra e ekzekutimit të prokurorisë milaneze. Muajt e fundit ata kishin nxjerrë një mandat arresti ndërkombëtar, me kërkesë ekstradimi, për ish-futbollistin.

Në shkurt, prokurori i kishte përcjellë Ministrisë kërkesën për ekstradim dhe urdhrin e arrestit ndërkombëtar për ish-sulmuesin dhe mikun e tij Ricardo Falco, të dy në Brazil. Muajt ??e fundit ka pasur kontakte mes autoriteteve italiane dhe braziliane dhe ka gjasa që nga këto kohë të fundit është treguar zyrtarisht se ku ndodhet ish-lojtari i Milanit dhe për rrjedhojë Italia ka dërguar me kërkesë dokumentet e urdhër-arrestit për të ekstraduar Robson de Souza Santos, 38 vjeç.

Ka shumë mundësi që të dy të mos dorëzohen sepse Kushtetuta braziliane nuk lejon ekstradimin e qytetarëve të saj. Tani, megjithatë, do t'i mbetet autoriteteve braziliane t'i përgjigjen kërkesës italiane. Gjykata e Lartë kishte bërë përfundimtare 9 vitet e vendosura nga Gjykata e Milanos, pas hetimit të prokurorit Stefano Ammendola, të konfirmuar nga Gjykata e Apelit. Për ish-sulmuesin dhe për shokun e tij, gjatë hetimeve nuk ishte caktuar asnjë masë sigurie, ndërsa personat e tjerë që do të kishin marrë pjesë në dhunë nuk janë gjetur. Sipas hetimeve, ish-ylli brazilian do ta kishte bërë vajzën të pinte deri në atë pikë sa ta bënte të pavetëdijshme dhe grupi do ta kishte përdhunuar me radhë, pa mundur të kundërshtonte.





Lajmet e fundit nga