web counter
LEXO PA REKLAMA!

SHKARKO APP

App Store
Google Play

E fundit!

x

Strakosha përjeton përmbysjen e çmendur ndaj Manchester United, Broja titullar në fitoren e Chelsea

2023-10-07 18:08:00, Sport CNA

Chelsea merr fitoren e dytë radhazi në kampionat. Blutë e Londrës mundën 1-4 Burnleyn, në transfertë. Në pjesën e parë vendasit surprizuan me golin e Odobert, ndërsa Al Dakhil ishte i pafat, pasi realizoi në portën e tij, duke bërë kështu që skuadrat të shkojnë me rezultatin 1-1 në dhomat e zhveshjes.

Në pjesën e dytë, ekipi i Pochetinos “tundi rrjetën” 3 herë me 3 autorë të ndryshëm. Palmer, Sterling dhe Jackson përmirësuan golavarazhin e Chelseat, pas një nisje jo të mirë të sezonit. Titullar në këtë takim ishte edhe Armando Broja, një pjesë loje për lojtarin shqiptar, i cili u zëvendësua nga Jackson, në minutën e 46-të.


Manchester United konfirmon edhe një herë se nuk është ky sezoni për të bërë gjëra të mëdha, pasi vuajti në maksimum në shtëpi me Brentford, duke marrë 3 pikët , me një përmbysje të çmendur. Dopieta e McTominay në minutat 93 dhe 97, bëri të pavlefshëm golin e Jensen në fund. Kujtojmë se në këtë ndeshje luajti titullar edhe portieri Thomas Strakosha, i cili tregoi formë të mirë me disa pritje të shkëlqyera. Sa i përket tabelës, Chelsea zë vendin e 10-të, ndërsa “Djajtë e kuq janë një pozicion më mirë.





17:02 Sport

Bologna i jep

Inter nuk shkoi më shumë se barazimi 2-2 në shtëpi ndaj Bo...

Lajmet e fundit nga