web counter
LEXO PA REKLAMA!

SHKARKO APP

App Store
Google Play

Situatë aspak e qetë te Partizani, Kolela: S’më intereson deklarata e Mehmetit, Hoti ka problem me klubin

2023-04-28 14:19:59, Sport CNA

Partizani do të udhëtojë drejt Durrësit nesër teksa do të përballet me Erzenin në “Niko Dovana” në ndeshjen e vlefshme për javën e 31-të të Kategorisë Superiore.

Në prag të këtij dueli, trajneri i të kuqve Xhovani Kolela ka dalë në një deklaratë për mediat. Ai ka folur për kundërshtarët e tyre, mungesat, si dhe për raportin e Engjëll Hotit me klubin.

“Një skuadër e cila nuk fiton prej disa ndeshjesh mendoj se është më e rrezikshmja nga të gjitha. Është normale që të gjitha ndeshjet në këtë fazë të jenë të vështira. Edhe ndeshja që fituam 3-0 nuk ishte e lehtë, çdo ndeshje për ne është e vështirë. Nuk do të kemi mungesa përveç Maget, Selmanit dhe Sembene, janë të gjithë të gatshëm. Selmani nuk luan prej 3 javësh dhe nuk më shqetëson më, fatkeqësisht janë gjëra që ndodhin dhe tani duhet të gjejmë zgjidhjen. Më në fund do të luajmë në një ndeshje që nuk bie shi dhe nuk do të lagemi.

Nuk më intereson deklarata e Mehmetit, nuk e kam lexuar, nuk i komentoj deklaratat e të tjerëve pasi gjithsecili ka të drejtën për të dhënë mendimin e tij. Janë gjëra normale që të ndodhin mosmarrëveshje mes lojtarëve, ata kanë bërë një shfaqje jo të mirë, dhe në disa raste sillen si fëmijë dhe ne i lemë që të kuptojnë gabimin.

Problemi është mes Hotit dhe klubit të Partizanit, unë po jap 100% në punën time, unë Hotin e kam pjesë të kontigjentit dhe e konsideroj futbollist. Nuk mund të flas për përfundimin e kontratës së tij dhe mua më mbaron në qershor, por si i bie që të mos punoj deri atëherë?”, përfundoi Kolela.





Lajmet e fundit nga