web counter
LEXO PA REKLAMA!

SHKARKO APP

App Store
Google Play

Shtyrja e ndeshjes me Apoloninë “trazon” Skënderbeun, por u jep kohë… të dëmtuarve

2022-10-28 12:15:55, Sport CNA

Shtyrja e ndeshjes me Apoloninë, e ka “trazuar” jo pak Skënderbeun. Llogaritë ishin bërë që ta luanin të shtunën, por tashmë janë të detyruar që të ndryshojnë programin.

Tashmë në kampin korçar po mundohen që të gjejnë një zgjidhje sa më të shpejtë për të mbyllur si duhet mikrociklin javor. I gjithë stafi teknik është i angazhuar për të gjetur një ekip me të cilin do të mund të luajnë një test miqësor.

E megjithatë, vështirësi ka. Sikundër edhe dihet, të gjitha janë në aktivitet. Sinjalet që vijnë nga FSHF-ja, e çojnë pas 11 nëntorit rikuperimin e ndeshjes me Apoloninë.

Edhe pse fillimisht kishte një plan për të mërkurën e 2 nëntorit. Gjithsesi, çdo e keqe e ka edhe një të mirë. Nga ky pushim i detyruar, do të përfitojnë për të plotësuar organikën nga dëmtimet.

Emri i parë që vjen është ai i Rei Pecanit.

Mesfushori humbi Besëlidhjen për shkak të problemeve fizike, ndërsa tani është bashkuar me ekipin dhe do të jetë gati për javën e 9-të që do të luhet në Korçë ndaj Flamurtarit pas dy javësh.

Veç tij, mjekët po bëjnë maksimumin për të rikuperuar në kohë edhe Dritmir Becin. E njëjtë situata qëndron edhe për kapitenin Vangjel Zguro.

Pogradecari do t’i nënshtrohet një kontrolli më të detajuar të problemeve në kavilje për të parë më pas kohëzgjatjen e këtij dëmtimi dhe mënyrën e riaftësimit nëse do të ketë nevojë për kohë.





Lajmet e fundit nga