web counter
LEXO PA REKLAMA!

SHKARKO APP

App Store
Google Play

Sfida e kthimit me Arsenal-in, Tuchel: Ta ëmbëlsojmë sezonin, duam fitoren

2024-04-16 15:15:00, Sport CNA

Sfida e kthimit me Arsenal-in, Tuchel: Ta ëmbëlsojmë sezonin,

Trajneri i Bayern Munich, Thomas Tuchel, foli në konferencë për shtyp, në prag të sfidës së kthimit ndaj Arsenalit, në çerekfinalen e Ligës së Kampioneve.

Pavarësisht fitores 2-1 në ndeshjen e parë, Tuchel pranoi se asgjë nuk është mbyllur dhe do të kërkojnë të bëjnë të njëjtën gjë, për të kaluar në gjysmëfinale.

“Ne kemi nevojë për gjithçka. Kemi nevojë për pasion dhe disiplinë taktike si në ndeshjen e parë sepse duam ta fitojmë këtë takim. Është jashtëzakonisht e rëndësishme që çdo tifoz të vijë për të mbështetur dhe shtyrë ekipin sepse mund të jetë diçka e vogël shtesë që do të na ndihmojë të mposhtim Arsenalin. Ne kemi një avantazh të vogël për sa i përket përvojës në këtë kompeticion, por do të duhet një paraqitje e shkëlqyer.

Ne duam të shkojmë përsëri në gjysmëfinale dhe pastaj deri në fund, sepse fitimi i Champions-it do ta ëmbëlsonte sezonin. Premier Liga është liga më e vështirë në botë dhe Arsenali është një nga skuadrat më të forta në ligë. Por ne duhet të tregojmë vlerën tonë. Megjithatë, nuk do të jetë Bundesliga kundër Premier League, por Bayern Munich kundër Arsenalit.”, u shpreh Tuchel.





Lajmet e fundit nga