web counter
LEXO PA REKLAMA!

SHKARKO APP

App Store
Google Play

Sezonit i shtohen edhe dy “El Clasico”, shorti përball përsëri Real Madridin dhe Barcelonën

2023-01-30 16:17:00, Sport CNA

Sezonit i shtohen edhe dy “El Clasico”, shorti përball

Janë përcaktuar gjysmëfinalet e Kupës së Mbretit, me tri skuadrat që kanë grumbulluar më shumë tituj në këtë kompeticion, ende në garë për të triumfuar kësaj here.

Osasuna do të përballet me Athletic (gjysmëfinalja e katërt radhazi), ndërsa Real Madrid dhe Barcelona formojnë duelin tjetër bombastik, me dy “El Clasico” në lojë, me një të tretë në La Liga që do të luhet në më pak se një muaj.

Ndeshjet e para do të luhen në “El Sadar” dhe “Santiago Bernabeu”. Kujtojmë se po në gjysmëfinale, Real Madrid dhe Barcelona ishin rivalë në vitin 2019, kur fituan katalanasit. Titulli i fundit i Kupës që Real Madrid e fitoi ishte në vitin 2014, me Ancelottin në stol, në një ndeshje të luajtur në “Mestalla”.

Botërori për Klube ka ndryshuar kalendarin, duke luajtur ndeshjet e para më 1 ose 2 mars, ndërsa kthimi do të luhet më 4, 5 ose 6 prill. Finalja është caktuar më 6 maj në stadiumin “La Cartuja”, vendi i tri finaleve të fundit sipas marrëveshjes së nënshkruar vite më parë nga Federata dhe Junta de Andalucía.





Lajmet e fundit nga