web counter
LEXO PA REKLAMA!

SHKARKO APP

App Store
Google Play

Rikthim i bujshëm te Tirana, arrihet marrëveshja me mbrojtësin e Shqipërisë

2023-06-07 17:23:49, Sport CNA

Rikthim i bujshëm te Tirana, arrihet marrëveshja me mbrojtësin e

Tirana duket se e ka nisur mjaft vrullshëm këtë merkato vere. Bardheblutë e drejtuar nga trajneri Orges Shehi do të luajnë në Kupat e Europës. Drejtuesit po punojnë intensivisht për të pasuruar organikën me elementë cilësorë, pikërisht aty dhe stafi teknik ka kërkuar ndërhyrje.

Emri i parë që ka firmosur me Tiranën është Albano Aleksi. Mesfushori më në formë i nënkampionëve duket se ka lënë thatë rivalët duke arritur marrëveshjen me bardheblutë edhe për sezonin e ri. Kontrata e re ka qenë me terma të përmirësuar, me fierakun që do të jetë pikë kyçe edhe në edicionin e ardhshëm.

Sakaq situata duket pozitive edhe për linjën e djathtë të mbrojtjes. Kristjan Toshevski është larguar dhe Erdenis Gurishta ishte lakuar si zëvendësues i tij. Por, tanimë duket se drejtuesit kanë gjetur një tjetër lojtar. RTSH Sport tregon se është arritur marrëveshja me Albi Dokën dhe pritet të zyrtarizohet në vazhdim.

Rikthim i bujshëm te Tirana, arrihet marrëveshja me mbrojtësin e

Gjithashtu Tirana kërkon të përforcohet edhe në sulm teksa i ka bërë ofertë zyrtare Liridon Latifit. Lojtari i Vllaznisë ka pranuar ofertën, por për momentin gjithçka ka ngecur pasi Eros Grezda i është vetëofruar kryeqytetasve. Pritet të shihet se çdo të ndodhë, teksa deri tani Tirana duket se ka blinduar mbrojtjen me Dokën dhe mesfushën me Albano Aleksin.





Lajmet e fundit nga