web counter
LEXO PA REKLAMA!

SHKARKO APP

App Store
Google Play

E fundit!

x

Probleme te Partizani, Zekic vë “duart në kokë”

2023-08-26 10:05:32, Sport CNA

Partizani ka ndoshta ndeshjen më të rëndësishme të viteve të fundit për të luajtur pas 5 ditësh. Të kuqtë janë 90 minuta, ndoshta 120, larg arritjes historike në kualifikimin për në grupet e Conference League. Megjithatë do të jetë e vështirë teksa kanë humbur sfidën e parë 1-0 ndaj Astana në Kazakistan.

Në shtëpi shpresohet për një përmbysje historike, por mungesat mund të kompromentojnë këtë dëshirë të gjithë dashamirësve të kuq. Është reparti i sulmit ai që lë në baltë ekipin. Janë plot 4 mungesa nga 6 sulmues në total.

Victor Da Silva dhe Alfred Mensah janë të ditur prej javësh me brazilianin që është përjashtuar edhe nga lista pas mosmarrëveshjeve me trajnerin ndërsa ganezi i është nënshtruar një operacioni. Sulmuesi kryesor Christian Mba pësoi një dëmtim në muskujt e barkut në sfidën e parë ndaj Valmiera dhë ka munguar që nga ajo ditë. Shpresohej për një rikthim më të shpejtë por situata duket se nuk është në favorin e nigerianit.

Sikur të mos mjaftonin këto, është edhe Eros Grezda, blerja e bujshme e merkatos, i cili la fushën i dëmtuar në sfidën me Astanan në minutën e 23-të. Pas ekzaminimeve të para dallohet një problem në kofshë dhe dyshohet për një tërheqje. Në të tilla raste koha e rikuperimit është rreth 1 muaj, megjithatë në staf shpresojnë se mund të jetë thjeshtë bllokim muskujsh për shkak të lodhjes, por edhe në këtë rast duket e vështirë rikuperimi për 5 ditë.

Në këtë mënyrë, sulmi i të kuqve mbetet në këmbët e Tedi Carës dhe Bintsouka.





Lajmet e fundit nga