web counter
LEXO PA REKLAMA!

SHKARKO APP

App Store
Google Play

Portieri i Dinamos rrëzohet në dush dhe çan kokën, në vend të tij pritet të luajë… trajneri

2023-03-04 11:17:35, Sport CNA

Një situatë komike, deri në kufijtë e absurdes, për një klub futbolli profesionist. Dinamos nuk po i ecën fare në këtë periudhë me rezultatet në fushë, por edhe me gjendjen fizike të lojtarëve. Dëmtime të shumta që sjellin mungesa sistematike, por rasti i fundit është vërtet interesant.

Portieri Luka Krosta është dëmtuar para ndeshjes me Besëlidhjen dhe, sipas të gjitha gjasave, do të mungojë.

Italiani, sipas asaj që mëson gazeta, është rrëzuar teksa bënte dush dhe ka pësuar një të çarë në kokë. Janë gjëra që mund të ndodhin, por që Dinamon e ka zënë ngushtë, sepse në skuadër ka vetëm portierin Sinan Dani, të riun që në merkaton e janarit u rikthye nga huazimi te Burreli.

Në këto kushte, klubi ka vendosur të rikthejë Edvan Bakajn, të cilin pak javë më parë në mënyrë pak të mistershme e kaloi trajner portierësh te Dinamo U-19.

Për një klub serioz, me pretendime madhore, duket një situatë qesharake, kur dihet që në një kampionat të gjatë dhe të vështirë mund të ndodhin papritur situata nga më të ndryshmet.

Tani mbetet të shihet, nëse Bakaj do të jetë titullar në Lezhë, apo në stol. Ajo që është e qartë ka të bëjë me faktin se skuadrës i duhet eksperiencë në këtë moment delikat.

 





Lajmet e fundit nga