web counter
LEXO PA REKLAMA!

SHKARKO APP

App Store
Google Play

Polonia rikthehet në lojë, me Shqipërinë është finale. Ja situata në Grupin E

2023-09-08 12:39:00, Sport CNA

Polonia rikthehet në lojë, me Shqipërinë është

Pika përballë Republikës Çeke ishte e artë, kjo për vetë pozitat ku Shqipëria ndodhet në Grupin E, në vendin e dytë në kuotën e 7 pikëve, një me pak se çekët. Kuqezinjtë e Silvinjos janë në garë me kohë të plotë për të siguruar një biletë për në “Euro2024”, jo vetëm kaq, por kanë shanse të kualifikohen edhe si kokë grupi, ky është versioni më i mirë. Në letër ky objektiv është më se i mundshëm pasi kalendari në vijim na sjell dy rivalët më të mëdhenj, Çekinë dhe Poloninë në “Air Albania”.

Një nga dy finalet e mëdha do të luhet pikërisht të dielën në orën 20:45. Polonia nuk vjen në kushtet më të mira, por në çdo rast është një rival që të ngjall frikë pasi kanë në dispozicion lojtarë më shumë klas. Historia ka treguar se Polonia është një makth për Shqipërinë, në 5 përballjet kemi pësuar 5 humbje. Pas pikës së marrë përballë Republikës Çeke, nëse përballë Polonisë nuk fitojmë do ishte më mirë të mos humbasim.

Edhe një pikë përballë polakëve në mban në lojë pasi më 12 tetor presim Republikën Çeke në Tiranë, ndërsa dy sfidat e fundit janë kundër Moldavisë në transfertë dhe Ishujve Faroe në shtëpi. Pikërisht Moldavia është kthyer në një pikë kyçe në këtë grup pasi moldavët i kanë marrë 3 pikë Polonisë dhe 1 pikë Çekisë, në çdo rast mbetet një rival i vështirë.

Për momentin, pas xhiros së katërt, Grupi E kryesohet nga Republika Çeke me 8 pikë, një më shumë se Shqipëria. Në vendin e tretë ndodhet Polonia me 6 pikë, një më pak se Moldavia, ndërsa mbyllin grupin Ishujt Faroe me 1 pikë.

Polonia rikthehet në lojë, me Shqipërinë është





Lajmet e fundit nga