web counter
LEXO PA REKLAMA!

SHKARKO APP

App Store
Google Play

E fundit!

x

Përfundon magjia e Katar 2022/ Nga 10 tek 2, vlerësohen me notë futbollistët

2022-12-19 14:01:00, Sport CNA
Përfundon magjia e Katar 2022/ Nga 10 tek 2, vlerësohen me notë
Foto Ilustruese

Pas mbylljes së një muaji maratonë në Botërorin e Katar 2022, sigurisht nuk mund të mungonin edhe vlerësimet për performancën e futbollistëve që spikatën më shumë gjatë kësaj gare sportive, që për një muaj me radhë rrëmbeu vëmendjen e të gjithëve.

Një media italiane ka bërë një analizë, ku ka vlerësuar me nota futbollistët si dhe ka shpjeguar arsyet për secilin vlerësim.

Messi, nota 10. Mori më në fund të vetmin trofe që i mungonte, më të rëndësishmin, Kupën e Botës. Në Doha ngriti në qiell të artën, duke u shndërruar në të pavdekshëm, kompletoi një kryevepër, një karrierë fantastike. Në moshën 35-vjeçare bëri liderin, heroin për Argjentinën, ishte protagonist absolut i këtij Botërori.

Mbappe, nota 9: I vetëm mbajti Francën të gjallë në finale. U shpall golashënuesi më i mirë i Botërorit me 8 gola, 4 gola i shënoi vetëm në finale, e të mendosh që është vetëm 24-vjeç, pa diskutim e ardhmja i përket atij.

Ounahi, nota 8,5: Sigurisht kjo notë ndahet me pjesën tjetër të ekipit të Marokut, surpriza më e madhe e këtij Botërori, por pa dyshim ai është simboli i këtij ekipi, një mesfushë i klasit botëror.

Luka Modric, nota 7,5: Pavarësisht se 37-vjeç dukej si një djalosh i ri. Udhëheq Kroacinë duke e dërguar në vendin e tretë në Botë.

Moriyasu, nota 7. Trajneri i Japonisë prezantoi një skuadër shumë të organizuar, dhuroi dy nga surprizat më të mëdha të këtij Botërori, mposhti Gjermaninë dhe Spanjë me përmbysje.

Renard, nota 7: Ajo që bëri në ndeshjen e parë, duke mposhtur Argjentinën, është një histori e bukur për të treguar, për më tepër që tani Argjentina u shpall kampione bote.

Van Gaal, nota 6: Kjo notë është një miks mes rezultatit që arriti, çerekfinalet e Botërorit dhe lojës së shfaqur. Tekniku i tulipanëve bëri gjëra të mëdha në këtë botëror, por fati nuk ishte me ta nga ruleta e penalltive.

Luis Enrique, nota 5: I shumë kritikuar për faktin që volumi i madh i lojës nuk rezultoi efikas, e nxori nga Botërori një përfaqësuese si Maroku.

Neymar, nota 4,5: Nuk ishte në lartësinë e shokëve të tij te PSG. Praktikisht ishte Botërori i tij i fundit, por thuajse kurrë nuk arriti të bënte diferencën, kjo sigurisht e kushtëzuar edhe nga dëmtimi i pësuar. Emri i Neymar rëndoj shumë edhe te Tite, në fund Brazili i tij doli nga Botërori që në fazën çerekfinale.

De Bruyne, nota 4: E gjithë Belgjika dështoi në këtë Botëror, por nga lideri i ekipit sigurisht që pritej diçka më shumë.

Flick, nota 4: Gjermania ishte edhe e pafat këtë Botëror, por mbi Flick rendon jo pak fakti që nuk arriti kurrë të gjente pykën që aq shumë i duhej këtij ekipi. Fakti që dolën që në fazën e grupeve, nuk le vend për justifikime.

Serbia, nota 3: Një nga zhgënjimet më të mëdha të këtij Botërori, një përfaqësuese me shumë potencial, por Xhaka e Shaqiri i dërguan sërish në shtëpi.

Katar, nota 2: Ekipi më i dobët i këtij Botërori, e kishin të vështirë të bënin qoftë dhe dy pasa./CNA.al





Lajmet e fundit nga