E fundit!

21:41 POLITICS

"Note to those who think there is still environmentalism in the protest"/ Rama responds to commentators

Prime Minister Edi Rama has responded to commentators thro...

Nuk ka fitues në “Niko Dovana”, Teuta dhe Vllaznia ndahen në paqe

2022-09-30 19:47:08, Sport CNA

Mbyllet pa gola një sfidë e luftuar mes Teutës dhe Vllaznisë në “Niko Dovana”. Ka mbizotëruar ekuilibri në këtë sfidë dhe të dyja skuadrat kanë patur mundësitë e tyre për të zhbllokuar ndeshjen, por portierët Qirko dhe Zogoviç janë treguar në lartësinë e duhur në ato pak raste që është dashur ndërhyrja e tyre. Teuta vazhdon të mos fitojë në këtë sezon, ndërsa Vllaznia nuk arrin të marrë më shumë se një pikë në këtë transfertë.

90’ Akordohen 3 minuta shtesë

88’ Provon Vulaj nga distanca, por topi i tij devijohet nga mbrojtja durrsake

87’ Mundësi e mirë për Teutën, gjuan Kapllani, por portieri Zogoviç nuk lejon që topi të shkojë në rrjetë

84’ Kaina shkëputet në të majtë të sulmit dhe fiton një goditje këndi. Kroson Mala topi shkon te Jonuzi, që tenton nga distanca por goditja e tij është shumë larg portës

78’ Rrezikon Vllaznia, Jonuzi provon nga distanca dhe gjuajtja e tij përfundon ngjitur me shtyllën pingule

76’ Aksion i gjatë i Vllaznisë, Mala zotëron bukur një top në zonë, por goditja e tij është mbi kuadrat

74’ Provon Marku nga distanca, por gjuajtja e tij është e lehtë dhe Qirko pret pa vështirësi

71’ Ka tension në tribuna, pasi tifozët e dy skuadrave përplasen mes tyre. Duhet ndërhyrja e policisë që gjakrat të qetësohen

64’ Ekuilibër në këto minuta në Durrës. Skuadrat nuk arrijnë që të dominojnë njëra-tjetrën dhe si rrjedhojë mungojnë rastet për shënim

59’ Zëvendësimi i parë i ndeshjes bëhet nga Josa. Kaina merr vendin e Hoxhajt te Vllaznia

55’ Aksion i bukur i Teutës. Kombinime të mira në sulm, por mungon finalizimi

52’ Tenton edhe Marku nga distanca, por goditja e tij është shumë e lehtë për portierin Qirko

51’ Provon Alivoda nga distanca, por goditja e tij është larg kuadratit

49’ Ka nisur me ritëm të lartë edhe pjesa e dytë. Si Teuta edhe Vllaznia mundohen që të dalin përpara, por mungojnë rastet e pastra në këto minuta të para të pjesës së dytë

46’ Nis pjesa e dytë në “Niko Dovana”

45+1’ Mbyllet pa gola pjesa e parë në “Niko Dovana”. Vllaznia ka luajtur më mirë në këtë fraksion loje, madje i është afruar golit në disa raste, por Qirko nuk ka lejuar që të preket porta e tij. Teuta ka patur mundësinë e saj me Hebajn, por Zogoviç është treguar në lartësinë e duhur.

42’ Minuta të mira për shkodranët që tashmë dominojnë zotërimin e topit dhe janë spostuar në gjysmëfushën e Teutës

39’ Sërish Vllaznia që rrezikon. Provon Jonuzi por gjuajtja e tij pritet nga Qirko

34’ Rrezikon Vllaznia. Vila largon një top në zonë, që ishte i destinuar për Markun. Në aksionin pasardhës provon Hakaj nga distanca, por Qirko grushton në këndore

32’ Karabeci provon nga një goditje dënimi pranë zonës së Vllaznisë, por gjuajtja e tij ndalet në mur

27’ Teuta i afrohet golit. Hebaj godet në zonë, por Zogoviç bën mrekullinë dhe ruan portën të paprekur

25’ Provon Karabeci nga distanca për Teutën, por gjuajtja e tij nuk është e saktë

23’ Mundësi e mirë për Vllazninë. Mala nuk arrin që të devijojë një top që kalon të gjithë zonën e Teutës

22’ Goditje dënimi pranë zonës për Teutën. Oshafi nuk arrin të përfitojë në zonë dhe dërgon topin jashtë

18’ Shans i artë për Teutën. Mbrojtësit shkodranë nuk largojnë dot si duhet një top në zonë dhe Emiliano Vila përfiton, por goditja e tij përfundon jashtë portës së mbrojtur nga Zogoviç

15’ Mundësi e artë për Vllazninë. Marku godet nga distanca, por Qirko bën mrekullinë dhe devijon në këndore

12’ Është rritur ritmi i lojës në “Niko Dovana”, të dyja skuadrat mendojnë më shumë për aksionet sulmuese, por sërish mungojnë rastet e pastra për shënim në portat respektive

8’ Kundërpërgjigjet Teuta me Arbiol Markun që godet me kokë në zonë, por Zogoviç pret pa ndonjë problem

7’ Marku jep një top të zgjuar për Hoxhaj në zonë, por sulmuesi shkodran është i vetëm dhe nuk arrin që të rrezikojë portën e Teutës

3’ Skuadrat studiojnë njëra-tjetrën dhe loja është e përqendruar në mesin e fushës në këto minuta të para

Teuta, në krizë rezultatesh, kërkon fitoren e parë në kampionat në sfidën e sotme kundër Vllaznisë. Miqtë nga Shkodra kanë patur luhatje në këtë fillim sezon dhe sot kërkojnë tre pikët që të ngjiten në tabelën e klasifikimit

Teuta: Qirko, Kuros, A. Marku, Idrizaj, Kotobelli, Karabeci, E. Vila, Beqja, L. Vila, Oshafi, Hebaj.

Vllaznia: Zogoviç, Gurishta, Juriç, Bulatoviç, Hakaj, Alivoda, Jonuzi, Mala, H. Marku, Heriç, Hoxhaj.