web counter
LEXO PA REKLAMA!

SHKARKO APP

App Store
Google Play

Maqedoni e Veriut/ Shkëndija fiton me “tris” ndaj rivalit të përjetshëm, ndalen Shkupi dhe Struga

2024-03-03 17:32:00, Sport CNA

Java e 21, në Superligën e Maqedonisë së Veriut ka rezultuar e mirë për Shkëndijën, Voska Sportin dhe Gostivarin që shënuan fitore në ndeshjen e luajtura, ndërsa Shkupi dhe Struga Trim Lum u ndalën me barazime.

Shkëndija dhuroi spektakël në Tetovë, duke e mundur rivalin e vjetër Vardarin me rezultatin 3-0. Kuqezinjtë fillimisht humbën penallti, me Ennur Totren që nuk ishte i saktë nga pika e bardhë, ndërsa në vijim skuadra e Jeton Beqirit shënoi dy gola në pjesën e parë. Autor i golave ishte Erald Çinari që gjeti rrjetën në minutën e 34-t, ndërsa pesë minuta më vonë realizoi një gol spektakolar nga jashtë zonë për shifrat 2-0. Me këtë rezultat u mbyll edhe pjesa e parë, ndërsa në të dytën, Shkëndija gjeti edhe njëherë tjetër rrjetën, me Bruno Ditën që shënoi gol me kokë në minutën e 54-t, pas atij asistit të Çinarit.

Ndërkohë, Shkupi u ndal në shtëpi me barazim pa gola ndaj Tikveshit, teksa me rezultat të njëjtë u mbyll edhe ndeshja ndërmjet Sileksit dhe Struga Trim Lum.

Fitore ka marrë Voska Sport, që në transfertë mundi Makedonija Gjorçe Petrovin me rezultat 2-1, ndërsa Gostivari mundi Brera Strumicën me shifra 2-0. Takimi tjetër që ishte në program të xhiros së 21-të, u mbyll në favor të Rabotniçkit që triumfoi ndaj Bregallnicës me rezultatin 2-0.





Lajmet e fundit nga