web counter
LEXO PA REKLAMA!

SHKARKO APP

App Store
Google Play

Lëvizje e bujshme/ Klubi bardhezi bën gati 15 milionë euro për Rey Manajn

2024-02-27 18:21:00, Sport CNA

Lëvizje e bujshme/ Klubi bardhezi bën gati 15 milionë euro

Rey Manaj i ka mahnitur të gjithë me formën e treguar në Turqi te skuadra e Sivasspor dhe në merkaton e verës, pritet të bëjë një ndryshim të madh në karrierë.

18 golat e shënuar këtë sezon, kanë bërë që në gjurmët e shqiptarit të vihen disa klube të mëdha.

Klubi i ka vënë një çmim prej 15 milionë eurosh kartonit të tij, por kjo shifër nuk shqetëson skuadrat që kërkojnë shërbimet e tij. Për lojtarin ka pasur oferta të ndryshme gjatë muajit të kaluar, por një klub duket i vendosur më shumë se të tjerët për të çuar deri në fund interesimin.

Sipas mediave turke, Besiktas, në radhët e të cilit aktivizohen edhe Ernest Muçi me Milot Rashicën, po planifikon një tredhëmbësh plotësisht shqiptar për repartin e avancuar në edicionin e ardhshëm, duke i shtuar edhe Manajn. Klubi e kishte piketuar sulmuesin që në janar, sidomos pasi e pa të shënonte pikërisht kundër bardhezinjve në kampionat.

Bëhet e ditur se drejtuesit e klubit kanë bërë gati që tani pikërisht shifrën prej 15 milionë eurosh për sulmuesin e Kombëtares, për të finalizuar transferimin e tij në verë. Në Turqi janë të bindur se një shifër e tillë është cilësuar si “okazion” për Besiktasin, duke parë formën dhe përshtatjen e Manajt në kampionatin turk, ku me një skuadër më cilësore, pritet të jetë edhe më rezultativ para portës.





Lajmet e fundit nga