E fundit!

19:45 POLITICS

"The DASH report is an alarm bell"/ Boçi: The problem is neither the citizens nor the opposition, but Rama

Democratic Party MP, Luciano Boçi, has reacted to the late...

Kaos në UEFA, Boban largohet dhe akuzon presidentin Ceferin

2024-01-25 13:51:00, Sport CNA

Zvonimir Boban ka vendosur të largohet nga UEFA, siç është komunikuar nga vetë qeveria e futbollit europian përmes një njoftimi zyrtar:

"UEFA dëshiron të njoftojë largimin e Zvonimir Boban nga organizata me marrëveshje reciproke. Boban iu bashkua organizatës në vitin 2021 si “shef i futbollit” dhe inicioi disa projekte të rëndësishme në zhvillimin teknik, duke përfshirë krijimin e Bordit të Futbollit të UEFA-s dhe Forumit Rinor të Futbollit. UEFA shpreh mirënjohjen e saj për z. Boban dhe i uron atij fat të mirë në përpjekjet e tij të ardhshme në karrierë", shkruhet në njoftim.

Ish-Drejtori i Zonës Profesionale largohet pak ditë përpara një Kongresi që do të diskutojë të ardhmen e futbollit europian pas vendimit të Gjykatës së BE-së dhe do të ndryshojë statutin, duke lejuar rizgjedhjen e Presidentit edhe pas tre mandatesh falë një ndryshimi të rregullitt, që do ta bëjë të pazbatueshëm kufirin e afatit për të zgjedhurit para miratimit të tij. Lamtumira e kroatit erdhi përmes një letre të hapur.

“Megjithëse kam shprehur mosmiratimin tim të plotë, presidenti i UEFA-s beson se nuk ka asnjë pengesë ligjore për ndryshimet që ai propozon, as ndonjë problem etik apo moral, dhe ai dëshiron të realizojë planin e tij për të çuar përpara aspiratat e tij personale” ka thënë mes të tjerash Boban, duke theksuar se është kundër ndryshimit të statutit nga presidenti i UEFA-s Aleksander Ceferin.