web counter
LEXO PA REKLAMA!

SHKARKO APP

App Store
Google Play

E fundit!

x

Ikën Xhixha e Skuka, Superiorja mbetet pa “bombera”

2023-01-24 19:56:36, Sport CNA

Kategoria Superiore ka humbur brenda dy ditësh dy sulmuesit kryesorë të saj. Redon Xhixha dhe Xhuliano Skuka i kanë dhënë lamtumirën kampionatit tonë për të provuar një eksperiencë jashtë tij dhe kështu kanë mbyllur para kohe atë që dukej si një garë mes tyre për “Këpucën e Artë”.

Të dy dukej se do të rivalizonin për këtë trofe individual me Xhixhën i cili deri tani kishte shënuar 11 gola, ndërsa Skuka 10. Por me largimin e tyre, tani gara duket se është rihapur nga e para, pasi golashënuesit më të mirë që mbeten janë protagonistë me vetëm 6 rrjeta të tundura në plot 17 javë kampionat.

Patrik Robson dhe Florent Hasani të Tiranës si dhe Patrik Nonato i Erzenit janë ata që ndjekin dy sulmuesit e larguar nga Superiorja dhe do të provojnë që në javët e mbetura t’i kapërcejnë në renditje, ndonëse asnjë prej tyre nuk ka dhuruar numra “bomberash” para portës.

Fakti që ata ndiqen për vete nga Kahrimanoviç i Erzenit dhe Hoxhaj i Vllaznisë, lojtarë të cilët shpesh janë më shumë pasues se finalizues, tregon se gara për “Këpucën e Artë” në vijim mund të shohë protagonistë të tjerë, sidomos me kthimin e emrave si Balaj, Abazaj e Guindo në kampionatin tonë.

GOLASHËNUESIT E SUPERIORES 2022-2023
11 GOLA: Redon Xhixha (Tirana – i larguar);
10 GOLA: Xhuliano Skuka (Partizani – i larguar);
6 GOLA: Patrik Robson, Florent Hasani (Tirana), Patrik Nonato (Erzeni);
5 GOLA: Amir Kahrimanoviç (Erzeni), Ardit Hoxhaj (Vllaznia);
4 GOLA: Dzon Delarxh (i larguar), Fernando Medeiros (Egnatia), Herald Marku (Vllaznia);





Lajmet e fundit nga