web counter
LEXO PA REKLAMA!

SHKARKO APP

App Store
Google Play

Gjermania zgjedh trajnerin e ri, Bayern Munich nuk bëhet pengesë

2023-09-14 10:00:50, Sport CNA

Julian Nagelsmann, pritet të jetë trajneri i ri i Gjermanisë. Menjëherë pas fitores së Gjermanisë 2-1 ndaj Francës në miqësore, bordi i DFB-së, pra anëtarët e federatës janë vënë në lëvizje për emrin e ri të pankinës e ku synimi i tyre në kushtet e opsioneve të lira përkon me Julian Nagelsmaninn.

Bisedimet mes palëve janë pozitive dhe ish-tekniku i Bayern Munich është i hapur në marrjen e “timonit” te përfaqësuesja. 

Nagelsmann e ka nisur aventurën në spektrin e trajningut në periudhën 2012, teksa zgjati vetëm një vit në drejtimin e Hofenhamit si ndihmësmenaxher. Nga cikli 2013- 2015, ai mori rolin e trajnerit tek U-19 po në Hofenhaim, ndërsa në etapën 2015-2019 drejtoi ekipin e parë të klubit të mësipërm.

Aventura pozitive dha indikacionet e duhura në bordin e Leipzig. Rritja me “demat” shërbeu si trampolinë për t’u zhvendosur drejt Mynihut. Edhe pse firmosi kontratë 5-vjeçare, Nagelsmann u shkarkua në maj të vitit aktual, e pasuar me 3 trofe, 1 kampionat dhe 2 Superkupa, ndërsa skema e preferuar vjen me 4-2-3-1.

Hoenes jo më larg se para dy ditësh tha me bindje se Bayern nuk do ta pengojë Nagelsmannin të bashkohet me kombëtaren nëse palët bien dakord.

Për drejtimin e Gjermanisë, u përfol edhe Klopp, por një marrëveshje me trajnerin e Liverpool, dukej e pamundur momentalisht. 

 





21:16 Sport

Egnatia

Kategoria Superiore, u rikthye pas pauzës për shkak të ang...

Lajmet e fundit nga