web counter
LEXO PA REKLAMA!

SHKARKO APP

App Store
Google Play

FSHF organizon Mbrëmjen Gala, zbulohen çmimet që do të jepen

2023-12-12 13:25:00, Sport CNA

FSHF organizon Mbrëmjen Gala, zbulohen çmimet që do të

Federata Shqiptare e Futbollit do të organizojë më datë 18 dhjetor Mbrëmjen Gala, e kthyer tashmë në një traditë nga FSHF që u dedikohet protagonistëve kryesorë të futbollit të cilët kanë spikatur me paraqitjet e tyre në fushën e lojës gjatë vitit 2023.

Do të jetë e gjitha një mbrëmje festive e pasur edhe me program artistik në Teatrin Kombëtar të Operës dhe Baletit, që do t’i dedikohet futbollit vendas dhe Kombëtares kuqezi që mbylli një edicion fantastik kualifikues, me objektivin e arritur finalet e Europianit “Gjermani 2024”.

Në këtë mbrëmje FSHF do të akordojë çmime të rëndësishme të dedikuara për protagonistët e këtij viti, teksa nuk do të mungojnë edhe të ftuar special, personalitete ndërkombëtare, figura të mëdha futbolli, përfaqësues nga bota akademike, ajo politike, e artit, medias dhe kolegë e miq të Federatave të tjera.

Gjithashtu, do të ripërshkruhen momentet magjike dhe arritjet e jashtëzakonshme të futbollit shqiptar në vitin 2023, që nga ai vendas, Kombëtarja kuqezi e deri te projektet më të rëndësishme të FSHF që kanë marrë jetë gjatë këtij viti.

Fituesit e çmimeve janë përzgjedhur nga vetë protagonistët e futbollit shqiptar pas një procesi të gjatë e transparent të udhëhequr nga FSHF. Një çmim i veçantë do të jepet për ekipin kombëtar që arriti një sukses të jashtëzakonshëm duke u kualifikuar për herë të dytë në histori në finalet e Kampionatit Europian “Gjermani 2024”.

Më poshtë, edhe lista e çmimeve që do të jepen në mbrëmjen gala për më të mirët e 2023-shit:

Talentja e Vitit 2023
?Talenti i Vitit 2023
?Këpuca e Artë 2023 (për vajza)                                                                                                              Këpuca e Artë 2023
?Arbitri i Vitit 2023
Trajneri i Vitit 2023
Formacioni i vitit 2023
?Topi i Artë 2023
Topi i Artë 2023 (për vajza)





Lajmet e fundit nga