web counter
LEXO PA REKLAMA!

SHKARKO APP

App Store
Google Play

Firmos Sokol Cikalleshi, zbulohet e ardhmja e sulmuesit

2024-04-18 16:12:00, Sport CNA

Firmos Sokol Cikalleshi, zbulohet e ardhmja e sulmuesit

Sokol Cikalleshi, do të vazhdojë të jetë pjesë e skuadrës së Konyaspor në Turqi, të paktën edhe për një sezon.

Mësohet se palët kanë arritur marrëveshjen mes tyre, për rinovimin e kontratës deri në verën e vitit 2025. Kontrata aktuale skadonte në fund të këtij sezoni dhe është gjetur gjuha e përbashkët që bashkëpunimi të vijojë.

Një marrëveshje që konfirmon gatishmërinë e 33-vjeçarit për të qenë pjesë e rëndësishme e Konyaspor, ndërsa kjo tregon se tashmë problemet me pagat janë hedhur pas krahëve.

Në janar të këtij viti, Cikalleshi u la jashtë ekipit, për shkak të përplasjeve për pagat, por mesa kuptohet gjithçka tashmë i është kthyer normalitetit.

Sulmuesi vendos kështu të qëndrojë në Turqi, për ta zhvendosur vëmendjen tek Kombëtarja shqiptare, pjesë e së cilës synon të jetë në kampionatin Europian të kësaj vere. Sulmuesi nga Kavaja, është pjesë e Konyaspor që prej vitit 2020, ndërsa për një sezon u huazua në Arabinë Saudite në radhët e Al Khaleej.

Këtë sezon, 33-vjeçari ka qenë tepër vendimtar për skuadrën, duke shënuar 11 herë në 27 ndeshje të kampionatit, ndërsa në total me ekipin turk, numëron 29 gola të shënuar.





Lajmet e fundit nga