E fundit!

13:57 TODAY

Visit to Athens/ Peleshi, meeting with the Greek counterpart, focusing on relations between the two countries and European integration

Following the parliamentary diplomacy tour and contacts wi...

Ekskluzive/ Uzuni për CNA.al: Më duan në Seria A dhe Premier League, ju tregoj telefonatën me Silvinjon

2023-03-13 09:33:00, Sport CNA

Myrto Uzuni po kalon një formë të jashtëzakonshme me Granadën në La Liga 2, duke qene një nga lojtarët më të mirë për skuadrën e tij, por edhe për gjithë kampionatin. Mbrëmjen e djeshme ai shënoi golin e 19-të personal, duke realizuar ndaj Ponferadinës.

Në një intervistë ekskluzive për CNA.al, futbollisti beratas rrëfen se ka ambicie të mëdha. Ai tregon ofertat nga La Liga, por edhe nga Seria A dhe Premier League. Myrto gjithashtu tregon edhe bisedën me Silvinjon, ndërsa më fund e mbyll me një mesazh për tifozët e kombëtares.

Uzuni, po kalon një formë të shkëlqyer, si ndihesh?

E vërtetë që po kaloj sezonin më të mirë të karrierës sime. Kam shënuar 19 gola deri tani dhe normalisht që kjo është forma ime më e mirë. Ndihem shumë mirë dhe shpresoj të vazhdoj kështu.

Është objektiv për Uzunin "Këpuca e Artë"?

Po, sigurisht që është objektiv. E kam shprehur edhe më herët që synoj ta fitoj atë trofe individual. Kam shënuar shumë gola dhe dua të shënoj ende shumë të tjerë. Normalisht që kjo do shumë punë dhe përkushtim nga koha ime.

Keni pasur kontake me Silvinjon, ju ka uruar për formën e mirë?

Po, kam folur me Silvinjon. Më ka telefonuar nëpërmjet një videocall dhe më ka uruar për performancat e mira. Unë nga ana ime i kam uruar mirëseardhjen dhe kaq ka qenë biseda jonë.

Keni oferta nga klubet e La Ligës?

E vërtetë që kam oferta nga La Liga pasi kam shënuar shumë gola dhe kam zhvilluar paraqitje të mira. Oferta gjithashtu kam edhe nga Seria A apo edhe nga Premier League.

Një mesazh për tifozët e kombëtares...

I bëj thirrje të na mbështesin si gjithmonë, pasi kemi një grup që mund të shkojë shumë larg.