web counter
LEXO PA REKLAMA!

SHKARKO APP

App Store
Google Play

E fundit!

x

Dy shqiptarë garojnë për “Këpucën e Artë” në Itali, mesazh për Sylvinhon?

2023-02-20 19:49:03, Sport CNA

Silvio Merkaj dhe Stiven Shpendi po shkëlqejnë këtë sezon në futbollin italian. Dy sulmuesit shqiptar luajnë në Serie C me Virtus Entella dhe Cesenan.

Në Grupin B të kësaj kategorie, sulmuesit po garojnë për Këpucën e Artë teksa bëjnë pjesë në listën e golshënuesve më të mirë.

Merkaj mban vendin e katërt me 10 gola ndërsa Shpendi ka shënuar 9 deri tani. Në moshën 25 dhe 19 vjeç lojtarët mund të jenë një mundësi reale edhe për Kombëtaren Shqiptare ku pas dëmtimit të Brojës, duhet dikush që të shënojë golat.

Medon Berisha dhe Eljon Toçi janë kthyer në protagonistë kryesorë në kampionatin e të rinjve në Itali, duke udhëhequr skuadrat përkatëse drejt fitoreve e duke u konfirmuar si bomberë të vërtetë të tyre.

Berisha ka qenë ai që ka vulosur një sukses shumë të rëndësishëm 2-1 të Leçes në fushën e Sampdorias, pasi me një gol të shënuar me goditje dënimi në shtesë i ka dhënë fitoren ekipit të tij. Goli i 8 në kampionat për mesfushorin e talentuar kishte një vlerë shumë të rëndësishme pas e ngjiti Leçen të vetme në vendin e parë në klasifikim, të shkëputur nga ndjekësit.

Ndërkaq, hapa të rëndësishëm në renditje ka bërë edhe Fiorentina Eljon Toçit. Ky i fundit ka shënuar golin e vetëm në fitoren 1-0 të skuadrës përballë Kaljarit, duke e kthyer në vendin e 4-t në klasifikimin e kampionatit të të rinjve, në zonën play-off për titullin. Për sulmuesin e U21 të Shqipërisë, ky ishte goli i 6 në këtë kampionat.





Lajmet e fundit nga